مينيستر ءورت ايماعىنا كەلمەدى، وبلىس اكىمى ورىنباسارىن جىبەردى - توقايەۆ

سەمەي. قازاقپارات - مەملەكەت باسشىسى جەدەل شتاب وتىرىسىندا توتەنشە جاعدايلار ۆيتسە- ءمينيسترى مارات كۇلدىكوۆتىڭ ءسوزىن ءبولدى، دەپ حابارلايدى قازاقپارات اقورداعا سىلتەمە جاساپ.

«مەن قىزمەتىنەن بوساتقان مينيستر ءوزىنىڭ تىكەلەي قىزمەتتىك مىندەتىن ورىنداۋعا نەگە مۇلدەم نەمقۇرايلى قارادى؟ ! 14 ادام قازا تاپتى. ءسىز وسىنى تۇسىنەسىز بە؟ مەن ولاردىڭ وتباسىلارىمەن كەزدەستىم. بۇل ازاماتتار ءوز وتباسىنىڭ پەرزەنتتەرى، وتاعاسى بولاتىن. ءبىر وتباسىندا ەكى جاسار بالا جەتىم قالدى. ادامداردىڭ ارتىندا نەسيەلەرى قالدى. ولار وتباسىنىڭ جالعىز اسىراۋشىسى ەدى. ءورت بۇكىل الەمدە بولادى، ءبىراق ول جاقتا ءتيىستى شارالار قابىلدانادى. مينيستر كەلمەدى، وبلىس اكىمى تىم باياۋ قوزعالدى، ورىنباسارلارىن جىبەردى. جۇمىسقا دەگەن وسىنداي قارىم- قاتىناس بولا ما؟ ! وسى جونىندە ەسەپ بەرىڭىز! ناقتى سۇراق - نەگە قاتە بولجام جاسالدى؟» - دەپ سۇرادى قاسىم- جومارت توقايەۆ.