الماتىلىقتار بەردىبەك ساپاربايەۆتى اقتىق ساپارعا شىعارىپ سالدى

None
Фото: t.me/Kzgovernment
الماتى. قازاقپارات - الماتىدا اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا مەملەكەت جانە قوعام قايراتكەرى بەردىبەك ساپاربايەۆپەن قوشتاسۋ ءراسىمى ءوتتى، دەپ حابارلايدى قازاقپارات ءتىلشىسى.

مارقۇممەن قوشتاسۋعا قازاقستان رەسپۋبليكاسى پرەمەر- ءمينيسترى ءاليحان سمايىلوۆ، تۋعان- تۋىستارى، دوستارى، ارىپتەستەرى مەن دوستارى، مەملەكەت جانە قوعام قايراتكەرلەرى قاتىستى.

قوشتاسۋ راسىمىندە ءسوز سويلەگەن ءاليحان سمايىلوۆ قازاقستان پرەزيدەنتى قاسىم- جومارت توقايەۆتىڭ كوڭىل ايتۋ حاتىن وقىدى.

«كورنەكتى مەملەكەت جانە قوعام قايراتكەرى بەردىبەك ماشبەك ۇلى ساپاربايەۆتىڭ دۇنيەدەن وتۋىنە بايلانىستى قايعىرا كوڭىل ايتامىن. بەردىبەك ماشبەك ۇلى ۇزاق جىلعى ەسەلى ەڭبەك جولىندا لاۋازىمدى قىزمەتتەردى ابىرويلى اتقارىپ، ەلىمىزدىڭ ساياسي- ەكونوميكالىق، الەۋمەتتىك- مادەني وركەندەۋىنە جانە وڭىرلەردى دامىتۋعا مول ۇلەس قوسقان ەدى. مەملەكەتىمىزدىڭ سىندارلى ساياساتىن ۇلكەن بىلىكتىلىكپەن جۇرگىزە ءبىلىپ، قازاقستاننىڭ بەدەلى مەن مارتەبەسىنىڭ ارتا تۇسىنە قاجىر- قايراتىن جۇمسادى. ازاماتتىق قادىر- قاسيەتىمەن ەل ىشىندە قۇرمەتكە بولەندى. سوڭىنا وشپەس ءىز قالدىرعان بەردىبەك ماشبەك ۇلىنىڭ ەسىمى مەن جارقىن بەينەسى حالقىمىزدىڭ جۇرەگىندە ماڭگى ساقتالادى. مارقۇمنىڭ يمانى سالامات، جانى ءجانناتتا بولسىن»، — دەلىنگەن مەملەكەت باسشىسىنىڭ كوڭىل ايتۋ حاتىندا.

ءوز كەزەگىندە پرەمەر- مينيستر ۇكىمەت مۇشەلەرى جانە ءوزىنىڭ اتىنان كوڭىل ايتتى.

«بەردىبەك ماشبەك ۇلى ءوزىنىڭ ەڭبەگىمەن ەلىمىزدىڭ ءوسىپ- وركەندەۋىنە ۇلكەن ۇلەس قوستى. قاي قىزمەتتە بولسىن، حالىق مۇددەسىنە بار كۇش- جىگەرىن جۇمساپ ەڭبەك ەتتى. بەردىبەك ماشبەك ۇلىنىڭ ەرەن ەڭبەگى مەن جارقىن بەينەسى حالىق ەسىندە ماڭگى ساقتالادى»، — دەدى ءاليحان سمايىلوۆ.

بەردىبەك ساپاربايەۆ كەڭساي زيراتىنا جەرلەنەدى.

ەسكە سالا كەتەيىك، 10-ماۋسىم كۇنى مەملەكەت جانە قوعام قايرەتكەرى بەردىبەك ساپاربايەۆ 70 جاسىندا ومىردەن وزدى.

پرەزيدەنت قاسىم- جومارت توقايەۆ كورنەكتى مەملەكەت جانە قوعام قايراتكەرى بەردىبەك ساپاربايەۆتىڭ دۇنيەدەن وتۋىنە بايلانىستى وتباسى مەن جاقىن تۋىستارىنا كوڭىل ايتۋ جەدەلحاتىن جولدادى.

بەردىبەك ماشبەك ۇلى 1953 -جىلى 9-اقپاندا قىزىلوردا وبلىسى جاڭاقورعان اۋدانىنىڭ بەسارىق اۋىلىندا تۋعان.

1977 -جىلى الماتى حالىق شارۋاشىلىعى ينستيتۋتىن «ەكونوميكا جانە ماتەريالدىق- تەحنيكالىق جابدىقتاۋ» ماماندىعى بويىنشا ءبىتىردى.


ەكونوميكا عىلىمدارىنىڭ دوكتورى، پروفەسسور.

بەردىكبەك ساپاربايەۆ ءار جىلدارى قازاقستاننىڭ بەس وبلىسىن، ياعني قىزىلوردا، وڭتۇستىك قازاقستان، شىعىس قازاقستان، اقتوبە جانە جامبىل وبلىستارىن باسقاردى.

ساپاربايەۆ ەكى رەت پرەمەر- ءمينيستردىڭ ورىنباسارى قىزمەتىن اتقاردى.

«قۇرمەت» (1999)، «پاراسات» (2007) وردەندەرىمەن، «استانا» (1998)، «قازاقستان رەسپۋبليكاسىنىڭ تاۋەلسىزدىگىنە 10 جىل» (2001)، «قازاقستان رەسپۋبليكاسىنىڭ كونستيتۋتسياسىنا 10 جىل» (2005) مەدالدارىمەن ماراپاتتالعان.

سوڭعى جاڭالىقتار