قازاقستاندىقتار پاتەر ساتىپ الۋدى ايتارلىقتاي ازايتتى
اباتتاندىرىلعان تۇرعىن ءۇيدى جالعا بەرۋ تولەمى وتكەن جىلعى ءتيىستى ايمەن سالىستىرعاندا مامىردا 26 پايىز ارتتى، دەپ حابارلايدى قازاقپارات ۇلتتىق ستاتبيۋروعا سىلتەمە جاساپ.
وڭىرلەر بولىنىسىندە جاڭا پاتەرلەر نارىعىنداعى باعا جىلدىق ماندە پاۆلودار - 19,2 پايىز، سەمەي 17,5 پايىز، اقتاۋ قالالارىندا 17,4 پايىز ايتارلىقتاي قىمباتتادى.
قولدانىستاعى پاتەر نارىعىندا باعا ءوسىمى بويىنشا سەمەي (29,9 پايىز)، قوستاناي، قىزىلوردا (ءارقايسىندا 23 پايىزدان)، اقتوبە قالالارى (22,4 پايىز)، ال تۇرعىن ءۇيدى جالعا الۋ نارىعىندا كوكشەتاۋ (45,5 پايىز)، پەتروپاۆل (41,5 پايىز)، الماتى، اقتاۋ قالالارى (ءارقايسىندا 41,1 پايىزدان) كوش باستاپ تۇر.
تۇرعىن ءۇي نارىعىندا جاسالعان مامىلە سانىنا كەلەتىن بولساق، 2023-جىلعى مامىردا تۇرعىن ءۇيدى ساتىپ الۋ-ساتۋ بويىنشا 25588 مامىلە تىركەلگەن.
2023-جىلدىڭ ساۋىرىمەن سالىستىرعاندا (31445) مامىلە سانى 18,6 پايىزعا ازايدى.
مامىلە سانى بويىنشا كوش باسىندا الماتى (4302 - 16,8 پايىز)، استانا (3667 - 14,3 پايىز) قالالارى، سونىمەن قاتار، قاراعاندى وبلىسى (2354 - 9,2 پايىز) تۇر.
ەڭ ازى ۇلىتاۋ وبلىسىندا - 272 (1,1 پايىز).
2023-جىلدىڭ ءساۋىر ايىمەن سالىستىرعاندا مامىردا ەلىمىزدىڭ بارلىق وڭىرىندە تەرىس ديناميكا بايقالادى.
وسىلايشا، مامىلە سانىنىڭ ەڭ كوپ ازايۋى اتىراۋ (30,3 پايىزعا)، جەتىسۋ (26,6 پايىزعا) جانە ماڭعىستاۋ وبلىستارىندا (26,3 پايىزعا) تىركەلدى.
2023-جىلدىڭ ساۋىرىمەن سالىستىرعاندا، كوپپاتەرلى ۇيلەردەگى تۇرعىن ءۇي مامىلەلەرىنىڭ سانى 19 پايىزعا (4427 مامىلەگە) كەمىدى.
قوستاناي (1,5 پايىزعا ارتتى) جانە تۇركىستان وبلىستارىنان (0,4 پايىزعا ارتتى) باسقا، بارلىق قالعان وڭىردە وسىنداي جاعداي بايقالدى.
مامىر ايىندا پاتەرلەر بويىنشا بارلىعى 18922 مامىلە جاسالدى، بۇل - مامىلەنىڭ جالپى سانىنىڭ 73,9 پايىز.
بولمە سانى بويىنشا 2 بولمەلى پاتەرلەر ساتىلىمى باسىم، مامىر ايىندا وسىنداي 7120 قۇجات رەسىمدەلدى.
ساۋدانىڭ نەگىزگى ۇلەسى الماتى (20,3 پايىز)، استانا (18,9 پايىز) قالالارىنا جانە قاراعاندى وبلىسىنا (10,3 پايىز) تيەسىلى.
2023-جىلدىڭ ءساۋىر ايىمەن سالىستىرعاندا، جەكە تۇرعىن ۇيلەر بويىنشا مامىلە سانى دا 17,7 پايىزعا ازايىپ (1430 مامىلەگە)، 6666 نى قۇرادى.
تەرىس كورسەتكىش بارلىق وڭىردە بايقالدى.
2023-جىلدىڭ مامىرىندا تۇرعىن ءۇيدى ساتىپ الۋ-ساتۋ مامىلەلەرى بىلتىرعى ءتيىستى ايمەن سالىستىرعاندا 16,1 پايىزعا ازايعان، ول كەزدە 30500 مامىلە رەسىمدەلگەن بولاتىن.
تومەندەۋدىڭ ەڭ ۇلكەن كورسەتكىشى شىعىس قازاقستان وبلىسىندا (51,7 پايىزعا) بايقالدى.
وسىلايشا تەرىس كورسەتكىش بارلىق دەرلىك ايماقتا تىركەلدى، وڭ ديناميكا تەك استانا قالاسىندا (5,7+ پايىز).
تەرىس ديناميكا 2023-جىلعى قاڭتار-مامىر ايلارىنداعى مامىلە سانىنىڭ 2022-جىلعى قاڭتار-مامىرمەن سالىستىرعاندا دا بولدى - 43,8- پايىز.