18:35, 09 - ماۋسىم 2023 | GMT +6
جامبىلدا «سامۇرىق- قازىنا» قىتاي كومپانياسىمەن بىرگە جەل ەلەكتر ستانساسىن سالادى

استانا. قازاقپارات - «سامۇرىق- قازىنا» مەن قىتايلىق CPIH جامبىل وبلىسىندا جەل ەلەكتر ستانساسىن سالماقشى، دەپ حابارلايدى قازاقپارات «سامۇرىق- قازىنا» ءال- اۋقات قورى» ا ق باسپا ءسوز قىزمەتىنە سىلتەمە جاساپ.
استانا حالىقارالىق فورۋمى اياسىندا قور باسشىلىعى، ق ر ەنەرگەتيكا مينيسترلىگى، جامبىل وبلىسىنىڭ اكىمدىگى جانە China Power International Holding كومپانياسىنىڭ باسشىلارى كەزدەستى.
تاراپتار جامبىل وبلىسىندا ەلەكتر ەنەرگياسىن جيناۋ جۇيەسى بار قۋاتى 1 گ ۆ ت جەل ەلەكتر ستانساسىنىڭ قۇرىلىسى جوباسىن جۇزەگە اسىرۋعا دايىندالىپ جاتىر.
مەملەكەت باسشىسىنىڭ 2023 -جىلعى مامىرداعى سيان قالاسىنا ساپارى بارىسىندا ءوزارا تۇسىنىستىك تۋرالى مەموراندۋمعا قول قويىلعان ەدى.
بۇگىن نەگىزگى شارالارى، جاۋاپتى تاراپتار مەن ورىنداۋ مەرزىمى كورسەتىلگەن ءىس- شارالاردىڭ كۇنتىزبەلىك جوسپارى قابىلداندى.