ارۋجان ساعىندىقوۆا تايلاندتاعى تۋرنيردىڭ شيرەك فينالىنا ءوتتى

استانا. قازاقپارات - قازاقستاندىق ارۋجان ساعىندىقوۆا تايلاندتا ءوتىپ جاتقان ITF World Tennis Tour W15 تۋرنيرىنىڭ شيرەك فينالىنا ءوتتى، دەپ حابارلايدى قازاقپارات ءتىلشىسى.

دۇنيەجۇزىلىك رەيتينگتە 1162-ورىندا تۇرعان 18 جاستاعى قازاقستاندىق تەننيسشى ەكى كەزدەسۋىن ءساتتى وتكىزدى.

ارۋجان الدىمەن رەيتينگتە 1075-ساتىداعى گونكونگ وكىلى مەن ينگ مەگگي نگتى 6:4، 6:2 ەسەبىمەن تىزە بۇكتىردى.

ەكىنشى اينالىمدا تايلاندتىق كامونۆان يودپەتچتى 0:6، 6:4، 6:4 ەسەبىمەن ۇتتى.

ارۋجان ساعىندىقوۆانىڭ شيرەك فينالداعى قارسىلاسى كەيىن انىقتالادى.

ەسكە سالا كەتەيىك، بۇدان بۇرىن ەلەنا رىباكينانىڭ الەمدىك رەيتينگىدە توپ ۇشتىككە ەنگەنىن جازعان ەدىك.

سونداي- اق ميحايل كۋكۋشكين ا ق ش- تاعى ءتۋرنيردىڭ شيرەك فينالىنا شىقتى.