قازاقستان ازاماتتىعىن العان ەۋروپا چەمپيونى ۇلتتىق قۇراماعا شاقىرتۋ الدى

استانا. قازاقپارات - قوستاناي فۋتبول مەكتەبىنىڭ تۇلەگى الەكساندر زۋيەۆ قازاقستان ازاماتتىعىن الىپ، ۇلتتىق قۇراماعا شاقىرتۋ الدى، دەپ حابارلايدى قازاقپارات ءتىلشىسى.

قازاقستان فۋتبول فەدەراتسياسىنىڭ باسپا ءسوز قىزمەتىنەن ءمالىم ەتكەنىندەي، ا. زۋيەۆ ۇلتتىق قۇرامانىڭ الداعى وقۋ- جاتتىعۋ جيىنىنا جاراقاتىنا بايلانىستى قاتىسپايتىن اسلان دارابايەۆتىڭ ورنىنا بارادى.

الەكساندر زۋيەۆ 1996 -جىلى 26- ماۋسىمدا قوستانايدا دۇنيەگە كەلگەن، «توبىل» فۋتبول مەكتەبىنىڭ تۇلەگى. ءوز مانسابىندا رەسەيلىك «سپارتاك» (ماسكەۋ) ، «روستوۆ» ، «رۋبين»، «حيمكي» سىندى كلۋبتاردا ويناعان. جارتىلاي قورعاۋشى رەسەي چەمپيوناتىنىڭ اياقتالعان ماۋسىمىن «كرىليا سوۆەتوۆ» كلۋبى ساپىندا وتكىزدى.

فۋتبولشى رەسەيدىڭ جاستار جانە جاسوسپىرىمدەر قۇرامالارىنا تۇراقتى تۇردە شاقىرىلدى. 2013 -جىلى 17 جاسقا دەيىنگىلەر اراسىندا رەسەي قۇراماسى ساپىندا ەۋروپا چەمپيونى بولدى. سونداي- اق 2017 -جىلى ماسكەۋلىك «سپارتاك» قۇرامىندا رەسەي چەمپيونى اتاندى.

ەسكە سالا كەتەيىك، بۇدان بۇرىن كاريم بەنزەمانىڭ ساۋديالىق «ءال- يتتيحاد» كلۋبىنىڭ ويىنشىسى اتانعانىن جازعان ەدىك.