بەلگىلى اقىن قويشىعۇل جىلقىشيەۆ دۇنيەدەن وزدى
قويشىعۇل جىلقىشيەۆتىڭ قايتقانى جونىندە اقىن- جازۋشىلار الەۋمەتتىك جەلىدەگى پاراقشالارىندا جازىپ، مارقۇمنىڭ وتباسىنا، تۋما- تۋىستارىنا كوڭىل ايتىپ جاتىر.
قويشىعۇل جىلقىشيەۆ 1948 -جىلى 24 -قازاندا اتىراۋ وبلىسى يندەر اۋدانى جارسۋات اۋىلدىق كەڭەسىنە قاراستى جامانقۇدىق جايلاۋىندا دۇنيەگە كەلگەن.
1975 -جىلى قازمۋ- ءدىڭ جۋرناليستيكا فاكۋلتەتىن بىتىرگەن. قازاق ك س ر مادەنيەت مينيسترلىگىندە، قازاق تەلەديدارىندا قىزمەت ىستەدى. «ونەرپاز» قوعامدىق قايىرىمدىلىق قورىنىڭ جانە رەسپۋبليكالىق «ماحامبەت» قورىنىڭ پرەزيدەنتى بولدى.
«تاماشا» ويىن- ساۋىق وتاۋىن اشقانى ءۇشىن (لۇقپان ەسەنوۆپەن بىرگە) اۆتورلىق كۋالىك بەرىلگەن.
كەيىنگى جىلدارى قازاقستان جازۋشىلار وداعى اتىراۋ وبلىستىق فيليالىنىڭ ديرەكتورى بولىپ قىزمەت اتقاردى. «تۇڭعىش»، «مۇڭ- كىتاپ»، «اساۋكەر» جىر جيناقتارىنىڭ اۆتورى.
م. وتەمىس ۇلى تۋرالى پۋبليتسيستيكالىق ماقالارى ءۇشىن قازاقستان جۋرناليستەر وداعىنىڭ ا. بايتۇرسىنوۆ اتىنداعى سىيلىعىن الدى (1996 -جىل) . سونداي- اق ماحامبەت اتىنداعى سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى (2003 -جىل) .
اۆتور:
عايساعالي سەيتاق
