تەرىس ارەكەتى ءۇشىن لاۋازىمىنان بوساعان كونستيتۋتسيالىق سوت سۋديالارى زەينەتاقى جارناسىن قايتارادى

None
استانا. قازاقپارات - تەرىس ارەكەتى ءۇشىن قىزمەتىنەن بوساتىلعان كونستيتۋتسيالىق سوتتىڭ سۋديالارىنان جۇمىس ىستەگەن ارالىعىندا اۋدارىلعان زەينەتاقى جارنالارى قايتارىلادى. پرەمەر- مينيستر ءاليحان سمايىلوۆ ءتيىستى قاۋلىعا قول قويدى، دەپ حابارلايدى قازاقپارات ءتىلشىسى.

«قوسا بەرىلىپ وتىرعان سۋديا تەرىس سەبەپتەر بويىنشا لاۋازىمىنان بوساتىلعان جاعدايدا ق ر كونستيتۋتسيالىق سوتىنىڭ سۋديالارى، سۋديالار ءۇشىن قوسىمشا بەلگىلەنگەن مىندەتتى زەينەتاقى جارنالارىنىڭ سومالارىن الىپ قويۋ جانە بيۋدجەتكە اۋدارۋ قاعيدالارى بەكىتىلسىن»، - دەلىنگەن ۇكىمەت باسشىسى قول قويعان قاۋلىدا.

قولدانىسقا ەنگىزىلەتىن زاڭ تالابىنا ساي، زەينەتاقى اۋدارىمدارىن كەرى قايتارۋ ىسىمەن سوت اكىمشىلىگى سالاسىنداعى ۋاكىلەتتى مەملەكەتتىك ورگان اينالىسادى. ول سۋديانى تەرىس ارەكەتى ءۇشىن جۇمىستان بوساتۋ تۋرالى پرەزيدەنت جارلىعى نەمەسە پارلامەنتى سەناتىنىڭ قاۋلىسى شىققانان كەيىن 5 جۇمىس كۇنى ىشىندە «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى ب ج ز ق- عا ءوتىنىش جولدايدى. ونىڭ ىشىندە ءتيىستى شارا قولدانىلىپ وتىرعان ادام تۋرالى دەرەكتەر مەن شوتتان قايتارىلۋى ءتيىس زەينەتاقى جارناسىنىڭ سوماسى كورسەتىلەدى.

«ەلەكتروندىق ءوتىنىم اقپاراتتى جەتكىزۋدىڭ اۆتوماتتاندىرىلعان قارجىلىق جۇيەسى ارقىلى ءبىرىڭعاي جيناقتاۋ زەينەتاقى قورىنا (ب ج ز ق) جىبەرىلەدى. ب ج ز ق مەملەكەتتىك كورپوراتسيادان مىندەتتى زەينەتاقى جارنالارىنىڭ سومالارىن الىپ قويۋعا ارنالعان ەلەكتروندىق ءوتىنىمدى العان كۇننەن باستاپ 5 جۇمىس كۇنى ىشىندە مەملەكەتتىك كورپوراتسيا ءوتىنىمىنىڭ ءنومىرى مەن كۇنىن كورسەتە وتىرىپ، مىندەتتى زەينەتاقى جارنالارىنىڭ سومالارىن اۋدارۋدى جۇزەگە اسىرادى»، - دەلىنگەن جاڭا ەرەجەدە.

بۇل تالاپتار 1 -شىلدەدەن باستاپ كۇشىنە ەنەدى.

سوڭعى جاڭالىقتار