الماتىدا پوليتسيا قىزمەتكەرى ابايسىزدا ارىپتەسىن اتىپ تاستادى

الماتى. قازاقپارات - الماتىدا پوليتسيا قىزمەتكەرى ءوز ارىپتەسىن اتىپ تاستادى، دەپ حابارلايدى قازاقپارات ءتىلشىسى.

بۇل تۋرالى اقپارات اۋەلى Kozachkov Telegram كانالىندا پايدا بولدى.

تاراعان اقپارات بويىنشا، وق اتقان - 28 جاستاعى سەرجانت. ول جابىرلەنۋشىمەن بىرگە تاماقتاناتىن بولمەدە وتىرعان.

وق پ م قىزمەتتىك قارۋىنان اتىلعان. قىزمەتكەر العان جاراقاتىنان سول جەردە مەرت بولدى.

كۋاگەردىڭ ايتۋىنشا، پوليتسەيلەر اراسىندا جانجال بولماعان، ولار جاي سويلەسىپ وتىرعان.

الماتى قالالىق پوليتسيا دەپارتامەنتى اقپاراتتى راستادى.

ۆەدومستۆو مالىمەتىنشە، وقيعا 5 -ماۋسىمدا بولعان. پوليتسيا قىزمەتكەرى قىزمەتتىك قارۋمەن ابايسىزدا ءوز ارىپتەسىنە وق اتقان، جابىرلەنۋشى العان جاراقاتىنان قايتىس بولعان.

«اتالعان دەرەك ق ر ق ك 104-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. ءتيىستى ساراپتامالار تاعايىندالدى»، - دەپ حابارلادى ۆەدومستۆودان.

اۆتور:

الما مۇقانوۆا