بارسام دا ءجوندى قاتىن بولماسپىن- قازاقتىڭ قاعىتپا سوزدەرى
«ناۋرىزدى الدىن الا وتكىزەيىك، قىتايلاردىڭ سوڭىندا قالمايىق، الدىنا ءتۇسىپ كەتەيىك، بۇلاردان كەيىن تويلاۋعا بولمايدى» دەپ اقىلداسىپ، داۋرىعىسىپتى. سوندا ءبىر جىگىت جينالعان كوپكە قايمىقپاي قاراپ تۇرىپ «ءاي، اڭعال قازاعىم-اي، ءبىر قازان كوجەمەن قىتايدىڭ الدىنا تۇسەمىز دەپ جۇرسىڭدەر مە؟» دەگەن ەكەن.
* * *
اكە-شەشەسى قىزىن ءوزى سۇيمەيتىن بىرەۋگە كۇشپەن ۇزاتىپتى. اتتاندىرار كەزدە قيعىلىق سالعان قىزدى قازاق سالتى بويىنشا جەزدەسى اتقا كوتەرىپ سالىپ جاتىپ: «ال، بارا عوي» دەپتى. سوندا قىز قومپىلداپ: «بارسام دا ءجوندى قاتىن بولماسپىن» دەگەن ەكەن.
* * *
شەكارادا بولعان بەلگىلى ءبىر ماسەلەگە بايلانىستى شەكارا ساقشىسى سول وڭىردەگى مالشىلارعا جيىن اشىپ: «شەكارادان مالدىڭ، ادامنىڭ دىبىسىن شىعارماڭدار!» - دەپتى. سوندا كارىمحان دەگەن باقتاشى ورنىنان اتىپ تۇرىپ: «قارالا ءيت ۇرەدى، كوك سيىر موڭىرەيدى، باقتاشى بولعان سوڭ كاكەڭ ايقايلايدى، كورشى ەلىڭ وعان شىداماسا كوشىپ كەتسىن» دەگەن ەكەن.
