ماۋسىم ايىنان باستاپ ۇشاققا مىنەردە جۇك قانا ەمەس، جولاۋشىلاردىڭ دا سالماعىن ولشەيدى
1- ماۋسىم مەن 2- شىلدە ارالىعىندا وكلەند حالىقارالىق اۋەجايىنان ۇشاتىن جولاۋشىلارعا سالماق ولشەۋ ۇسىنىلادى.
Air New Zealand كومپانياسى جولاۋشىلاردىڭ سالماعىن ولشەۋ - «ۇشاق قاۋىپسىزدىگىن جانە ءتيىمدى جۇمىس ىستەۋىن» قامتاماسىز ەتۋ ءۇشىن كەرەك ەكەنىن مالىمدەدى.
ۇشاق اۋىرلىق كۇشىنە قارسى تۇرۋى ءۇشىن ۇشقىشتاردىڭ جۇك تيەلگەن ۇشاقتىڭ سالماعى مەن تەپە-تەڭدىگىن ءبىلۋى ماڭىزدى.
قازىرگى ۋاقىتتا اۆياكومپانيالار بەلگىلەنگەن ساندار ارقىلى «بولجامدى ماسسانى» پايدالانادى.
جولاۋشىلار سالماعىن ءبىلۋ كومىرتەگى شىعارىندىلارىن ازايتۋعا قالاي كومەكتەسەدى؟
ساقتىق ءۇشىن اۆياكومپانيالار ءوز ۇشاعىنىڭ جالپى سالماعىن كوتەرۋدى ءجون كورەدى.
ادەتتە ءار جولاۋشىنىڭ سالماعى 88 كەلى نەمەسە ەرلەر ءۇشىن 93 كەلى جانە ايەلدەر ءۇشىن 75 كەلى دەپ ەسەپتەلەدى.
ەگەر ۇشقىش ۇشاقتىڭ سالماعى ەسەپتەلگەن ماسسادان از ەكەنىن الدىن الا بىلسە، وتىندى دا سايكەسىنشە از تيەيتىن بولادى.