09:50, 01 - ماۋسىم 2023 | GMT +6
عالىمدار جەر بەتىندەگى ەڭ ەجەلگى حالىقتى انىقتادى
استانا. قازاقپارات - افريكانىڭ وڭتۇستىگىن مەكەندەيتىن كويسان حالقى جالپى ادامزات تىرشىلىگىنەن شامامەن 100 مىڭ جىل بۇرىن اجىراپ قالعان. ولاردى جەر بەتىندەگى ەڭ ەجەلگى تايپا دەۋگە دە وسى سەبەپ بولىپ وتىر.
كويسان حالقى افريكالىق تايپالاردىڭ شاعىن توبىن قۇرايدى. ولاردىڭ قاتارىنا و ا ر مەن باسقا دا وڭتۇستىك افريكالىق مەملەكەتتەردى مەكەندەيتىن اڭشى-بۋشمەندەر مەن مالشى-گوتتەنتوتتار جاتادى. بۇل تۋرالى ر ي ا نوۆوستي حابارلايدى. كويسان تىلدەرىنىڭ كورشىلەس تايپا تىلدەرىنە ۇقسامايتىندىعى سونشالىقتى، ول ءتىلدىڭ شىعۋ تەگى ادامزات تاريحىنىڭ قىزىقتى قۇپيالارىنىڭ ءبىرى بولىپ سانالادى.
ۋپسالى ۋنيۆەرسيتەتىنىڭ (شۆەسيا) قىزمەتكەرى كارينا شلەبۋشتىڭ جەتەكشىلىگىمەن ءبىر توپ گەنەتيك قويسان تايپالارىنىڭ د ن ك-سىن كورشىلەرىمەن سالىستىرا وتىرىپ، كويساندىقتاردىڭ جالپى ادامزات تىرشىلىگىنەن ادامدار افريكادان جاپپاي كوشكەنگە دەيىن اجىراپ قالعان دەگەن شەشىم شىعاردى.
