اقتاۋ اكىمدىگى قالا تۇرعىندارىن بالكونعا تۋ ىلۋگە شاقىردى

اقتاۋ. قازاقپارات - اقتاۋ قالاسىنىڭ اكىمدىگى 4-ماۋسىم - مەملەكەتتىك رامىزدەر كۇنى قارساڭىندا «اقتاۋعا 60 جىل - وتباسىنا سىيلىققا 60 مەملەكەتتىك تۋ» ءىس- شاراسىن ۇيىمداستىرىپ جاتىر.

بۇل تۋرالى اقتاۋ قالاسى اكىمىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

«4- ماۋسىم - قازاقستان رەسپۋبليكاسىنىڭ مەملەكەتتىك رامىزدەرى كۇنىنە وراي ءۇي- جايدىڭ كوشە بەتىندەگى بالكونىنا مەملەكەتتىك تۋىمىزدى ءىلۋ داستۇرىنە قاتىسۋعا تىلەك بىلدىرۋشىلەر Instagram جەلىسىندەگى @aktau_akimdigi پاراقشاسىنا 1 -ماۋسىمعا دەيىن ءوتىنىش بەرىڭىزدەر»، - دەلىنگەن حابارلامادا.