قازاقستان عالىمدارى قىتايلىق ماماندارمەن سەيسميكاعا ءتوزىمدى قۇرىلىس بويىنشا ارىپتەستىكتى نىعايتتى
بۇل تۋرالى قازاقپارات يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ حابارلايدى.
كەزدەسۋ بارىسىندا سەيسميكالىق قاۋىپسىزدىكتى قامتاماسىز ەتۋ، وزىق تەحنولوگيالاردى قولدانۋ، باقىلاۋ جۇيەلەرىمەن قامتۋ، سونداي-اق كاسىبي مامانداردى دايارلاپ، بىلىكتىلىكتى ارتتىرۋ ماسەلەلەرى تالقىلاندى.
«ءوزارا ءتيىمدى ارىپتەستىك ارقىلى الداعى ۋاقىتتا قازاقستاندىق جانە قىتايلىق مامانداردىڭ قاتىسۋىمەن ناقتى بىرلەسكەن جوبالاردى جۇزەگە اسىرامىز دەپ ەسەپتەيمىز»، - دەيدى «قازق س ع ز ي» ا ق باس ديرەكتورى بەگمان قۇلبايەۆ.
ءوز كەزەگىندە قىتايلىق كومپانيا وكىلى سەيسميكاعا ءتوزىمدى قۇرىلىس باعىتىنا سايكەس قازاقستانمەن تاجىريبە الماسىپ، ءوز تەحنولوگيالارىمەن بولىسۋگە دايىن ەكەندەرىن جەتكىزدى.
اتالعان مەموراندۋمنىڭ اياسىندا تاراپتار عىلىمي قىزمەتكەرلەردىڭ الەۋەتىن كۇشەيتىپ، تاجىريبە الماسۋ، ەكى ەلدەگى عيماراتتار مەن قۇرىلىس نىساندارىنىڭ جەر سىلكىنىسىنە قارسى قاۋىپسىزدىگىن نىعايتۋ ءۇشىن سەيسميكالىق دەمپفەرلەۋ جانە وقشاۋلاۋ تەحنولوگياسىن قولدانۋ جونىندەگى بىرلەسكەن زەرتتەۋلەردى جۇرگىزۋگە ۋاعدالاستى. سونىمەن قاتار، ەرەكشە عيماراتتار مەن قۇرىلىستاردى جوبالاۋ بويىنشا بىرلەسكەن ارنايى تەحنيكالىق شارتتاردى ازىرلەپ، سەيسميكاعا ءتوزىمدى قۇرىلىس تەورياسى مەن تاجىريبەسى جونىندەگى بىرلەسكەن ءىس-شارالاردى وتكىزۋ جوسپارلانعان.
