ۇلتتىق بىلىكتىلىك جۇيەسى كەرەك ماماندى تابۋعا كومەكتەسەدى - تامارا دۇيسەنوۆا
«بۇگىنگى ەڭبەك نارىعى ەلەۋلى سىن-تەگەۋرىننىڭ الدىندا تۇر. جۇمىس ورىندارىن قۇرۋ قارقىنى تومەندەۋدە. ال قۇرىلعان ورىنداردىڭ 46 پايىزى - مەملەكەتتىڭ تىكەلەي قولداۋىمەن ونىمدىلىگى تومەن سەكتورلاردا. بۇل جاعدايدا فورمالدى سەكتور جۇمىسكەرلەرىنىڭ جارتىسىنا جۋىعى تومەن جالاقى الادى. سونداي- اق، ەڭبەك نارىعىنا جىل سايىن 300-400 مىڭعا جۋىق جاستاردىڭ قوسىلۋى جانە قازىرگى وڭىرلەر اراسىنداعى تەڭگەرىمسىزدىكتەرمەن قاتار دەموگرافيالىق قىسىمدى دا ەسكەرۋ قاجەت. سونىمەن بىرگە ە ى د ۇ حالىقارالىق ساراپشىلارى قازاقستانداعى ەرەسەك تۇرعىنداردىڭ ۇزدىكسىز ءبىلىم الۋعا قاتىسۋىنىڭ تومەندىگىن، ياعني ول تەك 17 پايىزدى قۇراعانىن اتاپ ءوتتى. بۇل رەتتە ەىدۇ ەلدەرىندە بۇل كورسەتكىش 47 پايىزعا جەتەدى. ناتيجەسىندە بۇل جۇمىسسىزدىق پەن كەدەيلىكتىڭ ۇلعايۋى، كادرلاردىڭ ۇدايى كەتۋىنە جانە ادامي كاپيتال الەۋەتىنىڭ تومەندەۋىنە اكەلۋى مۇمكىن. بۇل ءوز كەزەگىندە الەۋمەتتىك تۇراقسىزدىققا اپارىپ سوعادى»، - دەدى تامارا دۇيسەنوۆا ۇلتتىق بىلىكتىلىك جۇيەسىن دامىتۋ جونىندەگى جوبالىق كەڭسە باسقارۋشى كوميتەتىنىڭ كوشپەلى وتىرىسىندا.
ەڭبەك ءمينيسترى ادامي كاپيتالدى دامىتۋعا بايلانىستى پروبلەمالاردى شەشۋ ەڭبەك نارىعى مەن كادرلار دايارلاۋ جۇيەسىنىڭ ءوزارا بايلانىسىن كۇشەيتۋگە باعىتتالعان ۇلتتىق بىلىكتىلىك جۇيەسى بولاتىنىن اتاپ ءوتتى.
«مەملەكەتتىڭ ءرولى - فورسايت جانە بولجام سياقتى قۇرالدار ارقىلى كادرلارعا دەگەن قاجەتتىلىكتى انىقتاۋ. جۇمىس بەرۋشىلەر سالالىق بىلىكتىلىك اياسىن جانە كاسىپتىك ستاندارتتاردى ازىرلەۋ ارقىلى ماماندارعا قانداي بىلىكتىلىك دەڭگەيىن، قانداي ءبىلىم، داعدى مەن بىلىكتىلىك قاجەت ەكەنىن بەلگىلەۋى كەرەك. بەلگىلەنگەن تالاپتار مەن ەڭبەك نارىعىنىڭ قاجەتتىلىكتەرىن ەسكەرە وتىرىپ، ازاماتتار كەيىننەن وقىتۋ ءۇشىن ماماندىق تاڭدايدى. ەڭبەك نارىعىنا شىققان كەزدە مامانعا تاۋەلسىز باعالاۋدان وتۋگە جانە سول ارقىلى ودان ءارى جۇمىسقا ورنالاسۋ ءۇشىن ءوز بىلىكتىلىگىن راستاۋعا مۇمكىندىك بەرىلەدى. ناتيجەسىندە ءبىز ۇلتتىق بىلىكتىلىك جۇيەسىن پايدالانا وتىرىپ بىلىكتى ماماندار الامىز»، - دەدى تامارا دۇيسەنوۆا.