مارات قوجايەۆ «ۆاگنەر» قۇرامىندا بولعانى ءۇشىن ۋكراينادا سوتتالعان قازاقستاندىق تۋرالى پىكىر ءبىلدىردى

استانا. قازاقپارات - ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ «ۆاگنەر» جەكە اسكەري كومپانياسىنىڭ قۇرامىندا بولعانى ءۇشىن ۋكراينادا سوتتالعان قازاقستان ازاماتى ەلىمىزدە دە قىلمىستىق جاۋاپقا تارتىلاتىنىن ايتتى، دەپ حابارلايدى قازاقپارات ءتىلشىسى.

بۇگىن ماجىلىستە تىلشىلەر ءمينيستردىڭ ورىنباسارىنان «ۆاگنەر» جەكە اسكەري كومپانياسى قۇرامىندا بولعان جانە ۋكراينادا سوتتالعان قازاقستان ازاماتى تۋرالى سۇرادى.

«مەنىڭ ويىمشا، اتالعان ادامعا قاتىستى ماسەلەنى سىرتقى ىستەر مينيسترلىگى پىسىقتاپ جاتىر. ياعني بۇل تاقىرىپ سىرتقى ساياسي ۆەدومستۆو قۇزىرەتىندە. باسقا ەلدەردىڭ اۋماعىنداعى قارۋلى قاقتىعىستارعا قاتىسقاندارعا قازاقستاندا قىلمىستىق جاۋاپكەرشىلىك قاراستىرىلعان»، - دەدى م. قوجايەۆ.

ونىڭ ايتۋىنشا، بۇل ادام ۋكراينادا تاياۋدا عانا سوتتالعان. ونى قازاقستانعا ەكستراديتسيالاۋ ماسەلەسى الداعى ۋاقىتتا قارالۋى مۇمكىن.

ايتا كەتەيىك، بۇقارالىق اقپارات قۇرالدارىندا «ۆاگنەر» جەكە اسكەري كومپانياسى قۇرامىندا بولعان قازاقستان ازاماتىن ۋكراينادا 9 جىلعا باس بوستاندىعىنان ايىرۋ تۋرالى ۇكىم شىققانى حابارلاندى.

بۇدان بولەك، بيىل ءساۋىر ايىندا قازاقستاننىڭ سىرتقى ىستەر مينيسترلىگى ق ر س ءى م «ۆاگنەر» قۇرامىنا وتكەن ستۋدەنت قازاقستاندا قىلمىستىق جاۋاپقا تارتىلاتىنىن جاريالادى. وسىنداي اسكەري كومپانيالاردىڭ قۇرامىنا كىرەتىن ادامدار ەلىمىزدە 5 جىلدان 9 جىلعا دەيىن جازاعا تارتىلادى.

اۆتور:

رۋسلان عابباسوۆ