قىتايدان ۆەلوسيپەدپەن شىققان قازاق باۋىرلارىمىز الماتىعا جەتتى
قوس دوڭگەلەكتى كولىكتى تىزگىندەگەن دۋمان مەن ورازاي سانجى وبلىسى، شونجى اۋدانىنان 30-ءساۋىر كۇنى جولعا اتتانعان. 24-مامىردا ولار الماتىعا كەلدى. بىرنەشە كۇن تىنىعىپ العان ساياحاتشىلار ەندى استاناعا جول جۇرەدى. ەكى ەلدىڭ بايراعىن جەلبىرەتكەن ۆەلوساياحاتشى دۋمان مادەتحان ۇلى مەن ورازاي التىنبەك ۇلى 1670 شاقىرىمدى ارتتا قالدىرىپ، 26 كۇندە الماتىعا جەتكەن.
اتاقونىس - قازاق ەلىنە ساياحاتتاۋ يدەياسى 3 جىل بۇرىن تۋعان. ءبىراق ونى جۇزەگە اسىرۋدىڭ رەتى ەندى كەلىپتى. قازاقتىڭ دارحاندىعىن كوزىمەن كورىپ، ريزا بولدىق، - دەيدى دۋمان مادەتحان ۇلى.
دۋمان مادەتحان ۇلى، ساياحاتشى:
- قازاقستاننىڭ ءوزىنىڭ جەرگىلىكتى تۇرعىندارىن توقتاتىپ جول سۇراعان جاعداي بولدى. كەيبىر كىسىلەر ءبىزدى توقتاتىپ، سۋ بەرىپ، اقىل- كەڭەستەرىن ايتتى. حالقىمىزدىڭ وسىنداي باۋىرمال، قازاققا ءتان اقكوڭىلدىگى، قوناقجايلىعى قازاقستان ەلىندە بار ەكەن. بۇنى كورگەن كەزدە جۇرەگىم تەبىرەندى.
ۆەلوساياحاتشىلاردىڭ ەندىگى باعىتى - استانا قالاسى. الماتىنىڭ اسەم جەرلەرىن ارالاپ، بىرنەشە كۇن تىنىققان جىگىتتەر ەرتەڭ ەلورداعا جول تارتادى. دۋمان مەن ورازاي جۇرگەن جولدارىن، العان اسەرلەرى مەن قيىندىقتارىن تەلەفونعا تاسپالاپ، الەۋمەتتىك جەلىدە دە جاريالاپ وتىرادى ەكەن. ۆەلوساپاردىڭ ءبىر ماقساتى - ەكى ەل اراسىنداعى مادەني، ساۋدا- ەكونوميكالىق بايلانىستى دارىپتەۋ.
جىگىتتەر 1200 شاقىرىمنان استام جولدى ەڭسەرىپ، استاناعا جەتكەن سوڭ شاھاردى ارالاپ، ابدەن ماۋقىن باسپاقشى. ودان سوڭ اس- سۋىن دايىنداپ، تۋعان جەرگە دەيىن كەرى قايتامىز، - دەيدى. وسىلايشا، 3 ايعا جۋىق ۋاقىتتا ۆەلوساياحاتشىلار 6 مىڭ شاقىرىمدى باعىندارماق.
اۆتورلارى: ارشىن كەمەلجان، سەرجان جۇمابايەۆ.
www.24.kz
