ەرالى توعجانوۆ اقتوبەدە جول جوندەۋ، قۇرىلىس جۇمىستارىنىڭ بارىسىن تەكسەردى
جىل قورىتىندىسى بويىنشا قابىلدانعان شارالار ناتيجەسىندە نورماتيۆتىك جاعدايداعى جەرگىلىكتى ماڭىزى بار جولداردىڭ ۇلەسى قازىرگى %72 دان %78 عا دەيىن ۇلعايتىلادى دەپ كۇتىلۋدە.
جۇمىستىڭ باسىم بولىگى قۇرىلىس ماتەريالدارىن دايىنداۋعا جاۋاپكەرشىلىكپەن قاراۋدى تالاپ ەتەدى.
بۇگىن وبلىس اكىمى سىيىمدىلىعى 3700 توننا بولاتىن «گوار» ج ش س بيتۋم قويماسىنىڭ جۇمىس بارىسىمەن تانىسىپ، قويمالاردىڭ بيتۋممەن تولتىرىلعانىنا كوز جەتكىزدى.
«ءبىزدىڭ الدىمىزدا تۇرعان باستى مىندەت - بيتۋم ماسەلەسىن شەشۋ. وتكەن جىلى بيتۋمنىڭ جەتىسپەۋشىلىگىنەن جۇمىس قارقىنى باياۋلاعان بولاتىن، بۇل جاعدايدىڭ قايتالانۋىنا جول بەرمەۋگە ءتيىسپىز»، - دەپ اتاپ ءوتتى ەرالى توعجانوۆ.
ءوڭىر باسشىسى ۋاكىلەتتى ورگاندارعا جول-قۇرىلىس كومپانيالارىن قيىرشىق تاس، قۇم-قيىرشىق تاس قوسپاسى مەن بيتۋمنىڭ قاجەتتى كولەمىمەن ۇزدىكسىز قامتاماسىز ەتۋ ماسەلەسىن قاتاڭ باقىلاۋدا ۇستاۋدى تاپسىردى.
قازىرگى ۋاقىتتا وبلىستىڭ بيتۋم قويمالارىندا 16 مىڭ توننادان استام بيتۋم جيناقتالعان. اتالعان قۇرىلىس ماتەريالىن ساتىپ الۋ جانە اكەلۋ جۇمىستارى جالعاسۋدا. الدىن-الا جاسالعان كەلىسىمدەر بويىنشا مامىر-ماۋسىم ايلارىندا 10 مىڭ توننادان استام بيتۋم جەتكىزىلەدى.
وبلىس اكىمى «كازكومسەرۆيس» ج ش س وندىرىستىك بازاسىنىڭ اسفالتبەتون زاۋىتىنىڭ جۇمىس بارىسىمەن تانىسىپ، تولىقتاي اۆتوماتتاندىرىلعان ءوندىرىس پروتسەسىن ارالاپ كوردى.
وبلىس اكىمىنىڭ بيتۋم قويمالارىنىڭ قۋاتىن ارتتىرۋ جونىندەگى تاپسىرماسىن ورىنداۋ بويىنشا كاسىپورىن ءتيىستى شارالار قابىلداعان. قازىرگى ۋاقىتتا 2500 تونناعا ارنالعان بيتۋم قويماسىنىڭ قۇرىلىسى جۇرگىزىلۋدە. سونداي-اق ءوندىرىس اۋماعىندا «قازكومسەرۆيس» كومپانياسى جۇزەگە اسىراتىن جول جوبالارى ءۇشىن تەمىربەتون بۇيىمدارىن ءوندىرۋ سەحى جۇمىس ىستەيدى.
سونىمەن قاتار، جۇمىس بابىمەن قالانى ارالاۋ بارىسىندا ءوڭىر باسشىسى «اقتوبە قالاسىنىڭ وڭتۇستىك اينالما جولى» اۆتوجولىنىڭ 21,5 تەن 35,3 شاقىرىمعا دەيىنگى ۋچاسكەسىنىڭ قايتا جاڭارتۋ جۇمىستارىن تەكسەردى.
ەستەرىڭىزگە سالا كەتەيىك، وبلىس اكىمى وسى ۋچاسكەدەگى جۇمىستاردى وسىعان دەيىن جەكە باقىلاۋىنا العان بولاتىن. ناتيجەسىندە، وتكەن جىلدىڭ كۇزىندە قىسقا مەرزىمدە ەكى جولاقتى جول توسەلىپ، كولىك قوزعالىسىن اشۋعا مۇمكىندىك بەردى.
بيىلعى ءساۋىردىڭ سوڭىندا 2,9 شاقىرىم جولدىڭ نەگىزگى استىڭعى قاباتى دايىندالىپ، مامىر ايىندا اسفالتبەتون قوسپاسىن توسەۋ باستالدى. جۇمىس بەلسەندى قارقىنمەن جۇرگىزىلىپ، قىسقا مەرزىمدە اياقتالادى دەپ كۇتىلۋدە.
