12:14, 27 - مامىر 2023 | GMT +6
كاليفورنيادا «كورىنبەيتىن ءۇي» ساتۋعا شىعارىلدى
سان-فرانتسيسكو. قازاقپارات - كاليفورنيا شتاتىندا «كورىنبەيتىن ءۇي» ساتۋعا شىعارىلدى، دەپ حابارلايدى قازاقپارات CNBC- گە سىلتەمەمەن.
دجوشۋا-تري ۇلتتىق ساياباعىنداعى ءۇي 18 ميلليون دوللارعا ساتىلىپ جاتىر. بۇل لوس-اندجەلەستەن وڭتۇستىك-شىعىسقا قاراي ەكى ساعاتتىق جەردەگى سان-بەرناردينو وكرۋگىندە ورنالاسقان ەڭ قىمبات نىسان.
ءۇيدىڭ قاسبەتى اينادان جاسالعاندىقتان، ۇيگە «كورىنبەيتىن ءۇي» دەگەن اتاۋ بەرىلگەن. اينادان ىشتەگى ادامدار كورىنبەيدى، تەك ءشول دالانىڭ جارتاستى لاندشافتى كورىنەدى.
زاماناۋي ساۋلەت نىسانى دجوشۋا-تري ۇلتتىق ساياباعىنان بىرنەشە قادىم جەردە ورنالاسقان. تۇرعىن ءۇيدىڭ اۋماعى 5500 شارشى فۋت، وندا ءۇش جاتىن بولمە، ءتورت جۋىناتىن بولمە جانە ۇزىندىعى 100 فۋت بولاتىن جابىق باسسەين بار.
ءۇيدى كينوپروديۋسەر مەن قازىرگى يەسى كريس حەنلي مەن ساۋلەتشى توماس وسينسكي جوبالاعان.
ءۇيدىڭ ساتۋعا شىققانىنا ءتورت اي بولعان، ازىرگە ەشكىم قىزىعۋشىلىق تانىتپاعان.
