ەلەكتر ساموكات تەپكەن وقۋشىلار ءۇشىن اتا-انالارى جاۋاپ بەرەدى

الماتى. قازاقپارات - الماتىدا ەلەكتر ساموكاتتاردى جالعا بەرەتىن كومپانيالاردىڭ وكىلدەرى مەكتەپتەردەگى اتا-انالار جينالىستارىنا قاتىستى.

ولار اتا-انالارعا ەلەكترساموكاتتاردى پايدالانۋ ەرەجەلەرىن ءتۇسىندىردى، دەپ حابارلايدى قازاقپارات ءتىلشىسى.

كيكشەرينگ كومپانيالارىنىڭ مالىمەتىنە سايكەس، ەلەكتر ساموكاتتى جالعا الۋعا 18 جاسقا دەيىن شەكتەۋ قويىلعانىمەن، وقۋشىلاردىڭ جالدامالى ساموكاتپەن جۇرگەندەرىن ءجيى كورۋگە بولادى.

«كيكشەرينگ قوسىمشاسىندا تىركەلۋ ءۇشىن بانك كارتالارىنىڭ دەرەكتەرى قاجەت، ال بالالاردىڭ كارتالارى اۆتوماتتى تۇردە قابىلدانبايدى. سوندىقتان، بالالار اتا-انالارىنىڭ نەمەسە تۋىستارىنىڭ بانك كارتالارىن پايدالانادى، ءسويتىپ، ەلەكتر سكۋتەرلەرىن جالعا الۋعا قولجەتكىزەدى»، - دەپ حابارلادى الماتى قالاسىنىڭ قالالىق موبيلدىلىك باسقارماسىنان.

كومپانيا وكىلدەرى، كامەلەتكە تولماعان تۇلعالار مىنگەن ەلەكترساموكات جول-كولىك اپاتىنا ۇشىراسا، وندا زاڭ بويىنشا اتا-انا جاۋاپقا تارتىلاتىنىن اتاپ ءوتتى.

«جولدارداعى قاۋىپسىزدىكتى قامتاماسىز ەتۋ ماقساتىندا اتا-انالارعا قوسىمشالاردا تىركەلۋ ءۇشىن بانك كارتالارىنىڭ دەرەكتەرىن بەرۋ جانە كامەلەتكە تولماعان بالالاردىڭ ەلەكتر سكۋتەرلەردە جۇرۋىنە جول بەرىلمەۋى ءتيىس»، - دەپ ەسكەرتتى باسقارمادان.

بۇعان دەيىن ق ر ىشكى ىستەر ءمينيسترى مارات احمەتجانوۆ ەلەكتر ساموكاتپەن جولدا ءجۇرۋ تارتىبىنە قاتىستى تۇسىنىك بەرگەن بولاتىن.