قازاقستاندا جاڭا مەدال پايدا بولادى
«قازاقستان رەسپۋبليكاسىنىڭ ۇلتتىق ۆاليۋتاسى - قازاقستان تەڭگەسىنىڭ اينالىمعا ەنگىزىلگەنىنە 30 جىل تولۋ قۇرمەتىنە قاۋلى ەتەمىن:
1. «تەڭگەگە 30 جىل» مەرەكەلىك مەدالى تاعايىندالسىن.
2. قوسا بەرىلىپ وتىرعان:
1) «تەڭگەگە 30 جىل» مەرەكەلىك مەدالىمەن ناگرادتاۋ قاعيدالارى؛
2) «تەڭگەگە 30 جىل» مەرەكەلىك مەدالىنىڭ سيپاتتاماسى بەكىتىلسىن»، - دەلىنگەن قۇجاتتا.
جاڭا پايدا بولعان مەرەكەلىك مەدالدى مىنا لاۋازىمداعى تۇلعالار پرەزيدەنتتىڭ اتىنان تابىستاي الادى:
ۇلتتىق بانك ءتوراعاسى؛
ۇلتتىق بانك ءتوراعاسىنىڭ ورىنباسارلارى؛
ۇلتتىق بانك فيليالدارىنىڭ، ۇلتتىق بانكتىڭ الماتى قالاسىنداعى تۇراقتى وكىلدىگىنىڭ جانە ۇلتتىق بانك ۇيىمدارىنىڭ ءبىرىنشى باسشىلارى؛
ۇلتتىق بانكتىڭ ءتوراعاسى ايقىندايتىن ۋاكىلەتتى تۇلعالار.
بۇل مەدالمەن تەڭگەنىڭ جانە قارجى جۇيەسىنىڭ دامۋى مەن نىعايۋىنا، مەملەكەتىمىزدىڭ قالىپتاسۋىنا جانە الەۋمەتتىك-ەكونوميكالىق دامۋىنا ەلەۋلى ۇلەس قوسقان ەل جانە شەتەل ازاماتتارى ماراپاتتالادى.
