قازاقستانداعى ورتاشا ونىمدىلىك ە ا ە و- داعى ەلدەردىڭ كورسەتكىشىنەن ارتتا قالدى - ءالي بەكتايەۆ
دەپۋتات وتاندىق تۇقىم شارۋاشىلىعىنداعى پروبلەمالارعا دا نازار اۋداردى. ءالي بەكتايەۆ قازاقستاندىق عىلىمي-زەرتتەۋ ينستيتۋتتارىنداعى سەلەكتسيالىق جۇمىس دەڭگەيىنىڭ تومەندىگىن اتاپ ءوتتى. سونىڭ سالدارىنان شارۋالار جىل سايىن شەتەلدىك سەلەكتسيانىڭ تۇقىمىن سەۋىپ كەلەدى.
«عالىمدار مەن ساراپشىلاردىڭ قاتىستىرىلۋىمەن جۇمىس توبىن قۇرۋ ارقىلى قازاقستاننىڭ استىق ءوندىرىسىنىڭ پروبلەمالارىن تەرەڭ زەردەلەۋ كەرەك دەپ ەسەپتەيمىن. سونىڭ ناتيجەسىندە اگروونەركاسىپ كەشەنىنىڭ باسقا دا مۇددەلى سالالارى ينتەگراتسيالانعان استىق ءوندىرىسىن تۇراقتاندىرۋ باعدارلاماسى ۇلگىسىندە جۇيەلى شارالار ازىرلەنۋى ءتيىس. اتالمىش باعدارلامانىڭ جەكە ءبولىمى وتاندىق سەلەكتسيانى جانە تۇقىم شارۋاشىلىعى جۇيەسىن دامىتۋعا ارنالۋى ءتيىس»، - دەدى دەپۋتات سەناتتىڭ جالپى وتىرىسىندا ۇكىمەت باسشىسى ءاليحان سمايىلوۆتىڭ اتىنا جولداعان ساۋالىندا.
بۇدان بۇرىن حابارلانعانداي، بۇگىن سەناتتا اۋىل شارۋاشىلىعى ءمينيسترى ەربول قاراشوكەيەۆ توپىراق ساپاسى ناشارلاعان القاپتار تۋرالى تۇسىنىك بەردى.
