بيىل ەلىمىزدە مول استىق جيناۋعا مۇمكىندىك بار - مينيستر

استانا. قازاقپارات - اۋىل شارۋاشىلىعى ءمينيسترى ەربول قاراشوكەيەۆ وسى جىلى ەلىمىزدە مول استىق جيناۋعا مۇمكىندىك بار ەكەنىن ايتتى، دەپ حابارلايدى قازاقپارات ءتىلشىسى.

«بيىل ەگىس القاپتارىندا ىلعالدىلىقتى ساقتاۋ بويىنشا جۇمىستار دەر كەزىندە اتقارىلدى. قازىر ەگىن ەگۋ ناۋقانى قىزۋ ءجۇرىپ جاتىر. وسى ورايدا استىق شىعىمى جاقسى دەڭگەيدە بولادى دەگەن پىكىردەمىز. سوندىقتان ورتاشا جىلدىق استىق جينالۋى مۇمكىن»، - دەدى ە. قاراشوكەيەۆ سەناتتا تىلشىلەر سۇراعىنا جاۋاپ بەرە وتىرىپ.

وسى ورايدا اۋىل شارۋاشىلىعى ءمينيسترى وسى جىلى مول استىق جيناۋ مۇمكىندىگى بار ەكەنىن ايتتى.

«جاقسى ءونىم الۋ باعىتىندا قازىر ەگىن ەگۋ جۇمىستارىن بەلگىلەنگەن اگروتەحنيكالىق مەرزىمدە تەزىرەك اياقتاۋ ءۇشىن بارلىعىن جاساپ جاتىرمىز»، - دەدى ۆەدومستۆو باسشىسى.

بۇدان بۇرىن حابارلانعانداي، ەربول قاراشوكەيەۆ بيىل جەم-ءشوپ تاپشىلىعى بولمايتىنىن جەتكىزدى.

ايتا كەتەيىك، بىلتىر 23 ميلليون گەكتارعا ەگىن ەگىلگەن ەدى. ناتيجەسىندە 21,6 ميلليون توننا استىق باستىرىلدى.