پاۆلودارلىقتار ەرلىكپەن قازا تاپقان جامبىلدىق ءورت سوندىرۋشىگە قۇرمەت كورسەتتى
بۇل تۋرالى قوعام بەلسەندىسى سايات ەلگوندەنوۆ ءمالىم ەتتى.
كوركەم نىسانعا پاۆلودار وبلىسىنىڭ توتەنشە جاعدايلار دەپارتامەنتى تاپسىرىس بەرگەن. مۋرال پاۆلودار قالاسىنىڭ قاتايەۆ كوشەسى، 46-مەكەنجايداعى تۇرعىن ءۇيدىڭ قابىرعاسىندا سالىنعان.
مارقۇمعا ارنالعان ەستەلىك پاۆلودار قالاسىندا كەزدەيسوق سالىنعان جوق. ول 90-جىلداردىڭ اياعىندا قازاقستان رەسپۋبليكاسى ىشكى ىستەر مينيسترلىگىنىڭ پاۆلودار تەحنيكالىق كوللەدجىندە ءبىلىم العان.
سونداي-اق 25-مامىر كۇنى «حالىق قاھارمانىنىڭ» قۇرمەتىنە پاۆلوداردا فۋتبولدان رەسپۋبليكالىق جارىس وتەدى.
ەسكە سالايىق، 2021 -جىلدىڭ 26-تامىزىندا ساعات شامامەن 19:00-دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جويقىن جارىلىس بولدى. سوڭعى مالىمەت بويىنشا، جامبىل وبلىسىنداعى جارىلىستان 13 ادام قازا تاپقان.
پرەزيدەنت قاسىم-جومارت توقايەۆتىڭ جارلىعىمەن مەيىرجان ايمانوۆقا «حالىق قاھارمانى» اتاعى بەرىلدى
