پرەزيدەنت بەلارۋس پەن رەسەي وداقتاستىعى تۋرالى: باسقانى قويىپ، يادرولىق قارۋى دا ورتاق
«تاعى ءبىر نازىك ماسەلە بار. ءبىز ەسكەرۋىمىز كەرەك كونتسەپتۋالدى شىندىق نەمەسە ەرەكشەلىك بار. بۇل ەرۋازيالىق ەكونوميكالىق وداق اياسىنداعى بەلارۋس پەن رەسەي دەيتىن وداقتاسقان مەملەكەت.
بۇل وداقتىڭ كونتسەپتۋالدى جانە يدەولوگيالىق نەگىزى ايتارلىقتاي سالماقتى - بەلارۋس پەن ورىس حالقىنىڭ ورتاق تاريحىن ءوزارا تانۋ، مادەني، تىلدىك، ءدىني سايكەستىگىن مويىنداۋى. ياعني، ءبىر ۇلتتىڭ، ءبىر مەملەكەتتىڭ بار ەكەنىن مويىنداۋى»، - دەدى مەملەكەت باسشىسى ەۋرازيالىق ەكونوميكالىق فورۋمنىڭ پلەنارلىق وتىرىسىندا.
پرەزيدەنتتىڭ ايتۋىنشا، رەسەي مەن بەلارۋستىڭ ە ا ە و اياسىنداعى وداقتاستىعى الەم تاريحىندا بولماعان تاجىريبەنى تۋىنداتىپ وتىر.
«ءبىزدىڭ ە ا ە و- دا وداقتاسقان مەملەكەت بار. ياعني، الەمنىڭ ساياسي تاريحىندا بىرەگەي مىسال نەمەسە فەنومەن قالىپتاسىپ وتىر - «ەكى ەل - ءبىر مەملەكەت» فورمۋلاسى بويىنشا ساياسي، زاڭدىق، اسكەري، ەكونوميكالىق، ۆاليۋتالىق، مادەني، گۋمانيتارلىق، كەڭىستىگى ورتاق، وداقتاسقان ورتاق ۇكىمەتى بار، ورتاق وداقتاس پارلامەنتى بار مەملەكەت قۇرىلىپ وتىر. كەشىرىم وتىنەم، ءتىپتى قازىر ەكەۋارا ءبىر يادرولىق قارۋى بار. ءبىراق ينتەرگاتسيانىڭ قازاقستان، قىرعىزستان جانە ارمەنيا ۇستانىپ وتىرعان باسقا دەڭگەيى جانە بار. بۇل شىندىقپەن ەسەپتەسۋ كەرەك. مۇنداي جاعدايدا قالاي جۇمىس ىستەيمىز؟ بۇل كونتسەپتۋالدى ماسەلە. بىزگە وسى ەكونوميكالىق فورۋمدا اتالعان ماسەلەنى تالقىلاۋ كەرەك دەپ ويلايمىن»، - دەدى قاسىم-جومارت توقايەۆ.
