ەكونوميكالىق وداق مۇشەلەرىنە كونسترۋكتيۆتى پيعىل كەرەك - توقايەۆ

استانا. قازاقپارات - پرەزيدەنت قاسىم-جومارت توقايەۆ ەۋرازيالىق ەكونوميكالىق فورۋمنىڭ پلەنارلىق وتىرىسىندا وداقتاس ەلدەردىڭ نەگىزگى مۇددەلەرىن ايقىنداپ الۋدى ۇسىندى، دەپ حابارلايدى قازاقپارات ءتىلشىسى.

«ەكونوميكالىق وداق ەلدەرى ءۇشىن نەگىزگى مۇددەلەردى ەكشەپ الىپ، ەكونوميكالىق، يدۋستريالدىق، ساۋدا سالالارىنا كۇش سالۋ جانە سونىڭ ءبارىن ءبىرىڭعاي ارناعا ءتۇسىرۋ ماڭىزدى دەپ توپشىلايمىن»، - دەدى پرەزيدەنت.

سونداي-اق، ول ەكونوميكالىق وداقتىڭ ءارى قاراي دامۋى وداقتار اراسىندا كونسترۋتيۆتى پيعىل بولعانىنا بايلانىستى ەكەنىن اتاپ ءوتتى.

«بۇل ەشقانداي اسىرا ايتپاساق تا اسا كۇردەلى، امبيتسيالى مىندەت. اسقان جوعارى ءبىلىم، ديپلوماتيالىق قارىم-قابىلەت، ەڭ باستىسى، ارىپتەستەردىڭ مۇددەسىن ەسكەرەتىن كونسترۋكتيۆتى پيعىل قاجەت»، - دەدى قاسىم-جومارت توقايەۆ.