ءادىل باسەكە، تەڭ قۇقىق جانە ۇلتتىق مۇددەنى ەسكەرۋ – ق ر پرەزيدەنتى ە ا ە و- نىڭ بەرىك نەگىزى نە بولۋ كەرەگىن ايتتى
«ەندى وداقتى دامىتۋدىڭ جاڭا باسىمدىقتارىن ايقىنداۋ قاجەتتىگى تۋرالى سۇراعىڭىزدىڭ ەكىنشى بولىگىنە توقتالىپ وتەيىن. كەز كەلگەن ءىستى قولعا العاندا ءاردايىم قازىرگى پروبلەمالاردى عانا شەشىپ قويماي، كەلەشەكتەگى جۇمىستى دا جوسپارلاۋ كەرەك ەكەنى ءسوزسىز. سونداي-اق اينالاداعى جاعدايدىڭ وزگەرۋىنە بايسالدى قاراۋ كەرەك.
مۇنىڭ ءبارىنىڭ بەرىك نەگىزى بولۋعا ءتيىس. ىرگەتاسى نەعۇرلىم مىعىم بولسا، سوعۇرلىم مىقتى ءارى ۇزاققا ءتوزىمدى عيمارات سالۋعا بولادى. ال ءبىزدىڭ وداقتىڭ ىرگەتاسى نە؟ وداق تۋرالى كەلىسىمدى تولىققاندى جۇزەگە اسىرۋ نەگىزگى ماسەلە جانە سولاي بولا بەرەدى.
ياعني، «ءتورت ەركىندىك» جانە ينفراقۇرىلىمعا تەڭ دارەجەدە قول جەتكىزۋ، ءادىل باسەكە، تەڭ قۇقىق جانە ۇلتتىق مۇددەنى ەسكەرۋ سەكىلدى نەگىزگى قاعيداتتار مۇلتىكسىز ساقتالۋى كەرەك»، - دەدى ق ر پرەزيدەنتى.
