ەلىمىزدە اتا- انالار كودەكسى ازىرلەنبەك
«بالالارعا قاتىستى زورلىق-زومبىلىق، سۋيتسيد دەڭگەيىن تومەندەتۋ جانە بالالاردىڭ ءال-اۋقاتىن قامتاماسىز ەتۋ ماسەلەسىن شەشۋ ءۇشىن اتا-انا ماسەلەسى جەكە قاراۋدى تالاپ ەتەدى. جۇرگىزىلگەن كوپ اسپەكتىلى تالداۋ اتا-انالاردىڭ اتا-انا قۇقىقتارى، مىندەتتەرى مەن جاۋاپكەرشىلىگى تۋرالى نورماتيۆتىك ەرەجەلەردى شوعىرلاندىراتىن، ولاردى ءتۇسىنۋدىڭ ءبىرىڭعاي ءتاسىلىن قامتاماسىز ەتەتىن، ولاردى ازاماتتار ءۇشىن قولجەتىمدى باياندايتىن، اتا-انالاردىڭ اتا-انا فۋنكتسيالارىن جۇزەگە اسىرۋدا مەملەكەتتىك قولداۋ ءىس-شارالارىن ايقىندايتىن قۇجات رەتىندە اتا-انالار كودەكسىن ازىرلەۋدىڭ وزەكتىلىگىن كورسەتەدى. اتا-انالار كودەكسىنىڭ ماقساتى - مەملەكەت پەن ازاماتتاردىڭ اتا-انالاردىڭ قۇقىقتارى مەن مىندەتتەرىن، ولاردىڭ قازاقستان رەسپۋبليكاسىنداعى بالالاردىڭ ءال-اۋقاتى ءۇشىن جاۋاپكەرشىلىگىن ايقىنداۋعا ارىپتەستىگى نەگىزىندە جۇيەلى-تۇتاس ءتاسىلدى ىسكە اسىرۋ»، - دەلىنگەن قۇجاتتا.
