13:22, 24 - مامىر 2023 | GMT +5
كۇدەبايەۆقا ەلدەن قاشۋعا كومەكتەسكەن كۇدىكتىلەر ۇستالدى
استانا. قازاقپارات-قىرعىزستان رەسپۋبليكاسىنىڭ اسكەري پروكۋراتۋراسى سەرىك كۇدەبايەۆتىڭ شەكارادان زاڭسىز ءوتۋ فاكتىسى بويىنشا قىلمىستىق ءىستى تەرگەپ جاتىر، دەپ حابارلايدى Egemen.kz 24.kg سايتىنا سىلتەمە جاساپ.
الماتى وبلىسى بويىنشا ىشكى ىستەر دەپارتامەنتىنىڭ بۇرىنعى باستىعى قازاق- قىرعىز شەكاراسىن زاڭسىز كەسىپ وتكەن ەدى. راستالماعان اقپاراتقا سايكەس، باقىلاۋ- وتكىزۋ بەكەتتەرىنىڭ بىرىندە شەكارا قىزمەتىنىڭ اسكەري قىزمەتكەرى ونىڭ قىرعىزستان اۋماعىندا بولۋىن زاڭداستىرعان.
«كەيىن سەرىك كۇدەبايەۆ «ماناس» اۋەجايى ارقىلى تۇركياعا ۇشىپ كەتكەن. اسكەري پروكۋراتۋرا زاڭسىز كوشى- قون فاكتىسى بويىنشا قىلمىستىق ءىس قوزعادى. اتالعان ءىس بويىنشا ءتورت ادام كۇدىككە ءىلىندى. ولار بىشكەكتەگى №1 تەرگەۋ يزولياتورىنا قامالدى، ولاردىڭ ءبىرى اسكەري قىزمەتكەر بولسا، قالعاندارى - بەيبىت تۇرعىندار»، دەلىنگەن 24.kg
ۇسىنعان دەرەكتە.
سەرىك كۇدەبايەۆ وسى جىلدىڭ ءساۋىر ايىندا ۇستالىپ، قازاقستانعا جەتكىزىلدى. بۇل اقپاراتتى باس پروكۋرور بەرىك اسىلوۆ رەسمي تۇردە راستاعان ەدى.
