ۇلتتىق قور اقشاسى - بالالارعا: ءماجىلىس زاڭ جوباسىن قاراۋعا الدى

استانا. قازاقپارات - پارلامەنت ماجىلىسىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ق ر ۇلتتىق قورىنان بالالارعا تولەم جاساۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالادى، دەپ حابارلايدى قازاقپارات ءتىلشىسى.

«اتالعان زاڭ جوباسى مەملەكەت باسشىسىنىڭ «ۇلتتىق قور - بالالارعا» جوباسىن 2024 -جىلعى 1- قاڭتاردان باستاپ ىسكە قوسۋ ماقساتىندا ازىرلەندى. ۇلتتىق قوردىڭ جىل سايىنعى ينۆەستيتسيالىق تابىسىنىڭ 50 پايىزى بالالاردىڭ ارناۋلى جيناقتاۋشى شوتتارىندا جيناقتالادى.

زاڭ جوباسىنىڭ نەگىزگى ماقساتى - قازاقستان رەسپۋبليكاسى ازاماتتارى كامەلەتكە تولعان كەزدە تۇرعىن ءۇي جاعدايلارىن جاقسارتۋ نەمەسە جيناق ەسەبىنەن ءبىلىم الۋ مۇمكىندىگى اياسىندا جاس ۇرپاقتى قولداۋ. ءماجىلىستىڭ قارجى جانە بيۋدجەت كوميتەتى وسى زاڭ جوباسىن قاراپ، ول بويىنشا قورىتىندى ازىرلەۋگە دايىن»، - دەدى ءماجىلىستىڭ اتالعان كوميتەتىنىڭ ءتوراعاسى، دەپۋتات ءمادي تاكيەۆ.

بۇدان بۇرىن حابارلانعانداي، ەلىمىزدە العاش رەت ۇلتتىق بايلىقتى 18 جاسقا دەيىنگى بالالار مەن جاسوسپىرىمدەرگە ءبولۋ مۇمكىندىگى جاسالادى. ياعني، ۇلتتىق قوردىڭ ينۆەستيتسيالىق تابىسىنىڭ % 50 بالالار اراسىندا بىركەلكى بولىنەتىن بولادى.

ەسكە سالا كەتەيىك، مەملەكەت باسشىسى وتكەن جىلعى حالىققا جولداۋىندا «ۇلتتىق قور - بالالارعا» باعدارلاماسىن قولعا الۋ كەرەك ەكەنىن ايتقان ەدى.

اۆتور:

رۋسلان عابباسوۆ