ءابليازوۆ جازالانۋى ءتيىس - فرانسيا سوتى

استانا. قازاقپارات- مۇحتار ءابليازوۆ جازالانۋ كەرەك. زاڭ وسىنى تالاپ ەتەدى. فرانسياداعى كاسساتسيالىق سوت وسىنداي شەشىم شىعاردى.

ەستەرىڭىزدە بولسا، بۇرىنعى بانكير فرانسۋز ەلىندە وزىنە ارتىلعان سەنىمدى پايدالانىپ، قوماقتى قارجى جىمقىردى دەگەن كۇدىككە ىلىنگەن. وتكەن جىلدىڭ جەلتوقسانىندا ءابليازوۆ ساياسي بوسقىن مارتەبەسىنەن ايىرىلدى.

قازاقستاندا ول بيزنەس- ارىپتەسىن ءولتىردى جانە ءىرى كولەمدە اقشا ۇرلادى دەگەن ايىپتارمەن سوتتالعان. ەندى فرانسيانىڭ اپەللياتسيالىق سوتىنا قاراستى تەرگەۋ پالاتاسى ب ت ا بانكتىڭ ەكس- باسشىسىنىڭ ءىسىن قايتا قارايدى.

جواكينيتو ماريا الوگو دە وبونو، حالىقارالىق قىلمىستىق قۇقىق دوكتورى:

- جاڭادان جاساقتالعان تەرگەۋ پالاتاسى بۇل ءىستىڭ مەرزىمى اياقتالدى ما، سونى انىقتاپ، شەشىم شىعارادى. جارامدىلىق مەرزىمى اياقتالدى دەگەن ۇيعارىم جاسالسا، مەن وعان تۇسىنبەستىكپەن قارايمىن، سەبەبى بۇل جوعارى سوت ينستانتسياسىنىڭ ۇستانىمىنا قايشى كەلەدى. ونداي جاعدايدا ءابليازوۆ ەكستراديتسيالانبايدى، قازاقستان، رەسەي، ۋكراينا مەن ۇلى بريتانيا اۋماعىندا جاساعان قىلمىستارى ءۇشىن قۋدالانبايدى. ءبىراق جارامدىلىق مەرزىمى اياقتالعان جوق دەگەن شەشىم شىقسا، ول تاعىلعان ايىپتار بويىنشا قۋدالانادى. فرانسيانىڭ مەملەكەتتىك جانە ديپلوماتيالىق ورگاندارى قازاقستاندا جازاسىن وتەۋ ءۇشىن ءابلازوۆتى ەكستراديتسيالاۋ تۋرالى شەشىم قابىلدايدى دەپ ۇمىتتەنەمىن.

www.24.kz