09:23, 24 - مامىر 2023 | GMT +5
دۋبايدا اي پىشىنىندە ءزاۋلىم عيمارات سالىنادى
دۋباي. قازاقپارات - ەرەكشە ارحيتەكتۋرالىق شەشىمدەرىمەن تانىمال دۋباي قالاسىندا اي سالىنباقشى. جەر سەرىگىنىڭ رەپليكاسىندا كەرەمەت قوناق ءۇي، سپورت سارايى جانە تاعى باسقاسى ورنالاسادى، دەپ حابارلايدى قازاقپارات AP News-كە سىلتەمە جاساپ.
كانادالىق كاسىپكەر جانە Moon World Resorts Inc. ساۋلەت كومپانياسىنىڭ تەڭ نەگىزىن قالاۋشى مايكل حەندەرسون 274 مەترلىك ايدىڭ كوشىرمەسىن سالۋدى ۇسىنىپ وتىر. ول 30 مەترلىك عيماراتتىڭ جوعارى جاعىنا ورنالاستىرىلادى. جوبا قۇنى 5 ميلليارد ا ق ش دوللارىنان اسادى.
حەندەرسون ۇسىنعان جوبا «اي» دەپ اتالادى.
سفەرالىق قۇرىلىمنىڭ ىشىندە 4000 ءنومىرلى ءقوناقۇي مەن كۋرورت، 10000 ادامدى قابىلداي الاتىن سپورت سارايى، سونداي-اق قوناقتار ايدا سەرۋەندەي الاتىن «اي كولونياسى» بولادى.
30 مەترلىك تۇعىردا ورنالاسقان «اي» تۇندە جارقىراپ تۇرادى.
«اي» الەمدەگى ەڭ بيىك 828 مەترلىك عيمارات - دۋبايدا ورنالاسقان بۋردج-حاليفا ءزاۋلىم عيماراتىنا كەرەمەت ۇيلەسىم بولماق.
