دجو بايدەننىڭ كەۆين ماككارتيمەن كەزدەسۋى: كەلىسسوزدەر ءساتسىز اياقتالدى
ا ق ش پرەزيدەنتى دجو بايدەن تومەنگى پالاتانىڭ سپيكەرى كيەۆين ماككارتيمەن كەزدەستى. جەكسەنبىدە قوس تاراپتىڭ وكىلدەرى كاپيتوليدە ەكى جارىم ساعاتتىق كەلىسسوزدەر جۇرگىزگەن. رەسپۋبليكالىق پارتيانىڭ كوشباسشىسى بايدەنمەن ءوزارا تۇسىنىستىك بار دەپ مالىمدەگەنىمەن، پرەزيدەنت مەملەكەتتىك شىعىنداردى قىسقارتۋ جونىندەگى ۇسىنىستاردى قابىلداماعان.
كونگرەسستەگى وكىلدەر پالاتاسىن باقىلاپ وتىرعان رەسپۋبليكاشىلدار ۇلتتىق قارىزدىڭ شەكتى مولشەرىن كوتەرۋ ءۇشىن مەملەكەتتىك شىعىنداردى % 8- كە ازايتۋ كەرەك دەگەن تالاپ قويىپ وتىر. بايدەن بولسا، ولاردىڭ ۇسىنىسىن ورىنسىز دەپ ەسەپتەيدى. پرەزيدەنت الپاۋىت كورپوراتسيالار مەن فارماتسيەۆتيكا ونەركاسىبى ءۇشىن سالىقتى كوتەرگىسى كەلەدى. وعان رەسپۋبليكالىق پارتيا قارسى.
دەموكراتتار مەن رەسپۋبليكاشىلاردىڭ كەلىسىمگە كەلۋىنە نەبارى ون كۇن قالدى. قارجى ءمينيسترى قوس تاراپ 1 ماۋسىمعا دەيىن ۇلتتىق قارىزدىڭ شەگىن كوتەرمەسە، ەل قازىناسىندا قارجى تاۋسىلىپ، ەكونوميكا دەفلوتقا ۇشىرايتىنىن ەسكەرتىپ وتىر. ءليميتتى كوتەرۋ تۋرالى مامىلەنى كونگرەسستىڭ ەكى پالاتاسى دا ماقۇلداۋى كەرەك.
www.24.kz
