ماڭعىستاۋدا كونە ءداستۇر قايتا جاڭعىردى
سودان سوڭ جاس كەلىندەر مەن قىزدار سىنعا ءتۇسىپ، شەبەرلىكتەرىن شىڭدادى.
«8 جاسىمنان باستاپ ۇرشىق يىرەمىن. قازىر 13 جاسقا كەلدىم. اجەم ورمەك توقيدى. سول ءۇشىن ءجىپ يىرەدى. بۇل ادامدى شىدامدىلىققا تاربيەلەپ، قولعا جاتتىعۋ دەپ ماعان دا ۇيرەتتى. «بىلگەنىڭ وزىڭە، ىستەگەنىڭ بىزگە جاقسى» دەپ، ەڭبەككە باۋلىدى»، - دەيدى شەتپە اۋىلىنىڭ تۇرعىنى كاۋسار جاندوس قىزى.
سايىسقا اۋىل-ايماقتاردان بارلىعى 40-تان استام ادام قاتىستى، ءبارى - قولونەرمەن اينالىساتىن شەبەرلەر. ولار قاز- قاتار وتىرىپ، قولدارىنا ۇرشىق ۇستاعاندا كوپشىلىك ءسۇيسىندى. كورەرمەندەر دە ەرەكشە اسەر الدى.
«ءبىزدىڭ مادەنيەتىمىز، تاريحىمىز وسى قولونەردەن، ونەرىمىزدەن كورىنەدى. ۇرپاعىمىز ۇمىتپاسىن دەسەك، ۇلىقتاپ، ناسيحاتتاپ ءجۇرۋىمىز كەرەك. مىنە، ورتا بۋىن ۇلكەندەردەن ۇلگى الىپ، ءداستۇردى جاڭعىرتىپ جاتىر»، - دەيدى جاڭاوزەن تۇرعىنى گۇلايىم ەسەنامانوۆا.
بايقاۋ ءۇش كەزەڭنەن تۇردى. كورپە كوكتەپ، ءىس تىگەتىن قىز-كەلىنشەكتەردىڭ اراسىنان ۇزدىكتى انىقتاۋ قيىنعا سوقتى. دەگەنمەن، اقتىق سايىستا 5 شەبەردىڭ ىشىنەن قىزىلتوبە اۋىلىنىڭ تۇرعىنى ۆەنەرا پالۋانوۆا باس جۇلدەنى جەڭىپ الدى. ۇيىمداستىرۋشىلار شارا وزگە اۋىلداردا دا جالعاسىن تابادى دەيدى.
Massaget.kz
