اۋىل شارۋاشىلىعى جانۋارلارىنا مال سالىعىن ەنگىزۋ ۇسىنىلدى

بىشكەك. قازاقپارات - قىرعىزستاندا اۋىل شارۋاشىلىعى جانۋارلارىنا سالىق ەنگىزۋ ۇسىنىلدى. ءتيىستى زاڭ جوباسى قوعامدىق تالقىلاۋعا شىعارىلدى، دەپ حابارلايدى قازاقپاراتتىڭ مەنشىكتى ءتىلشىسى قىرعىزستان رەسپۋبليكاسى جوگوركۋ كەنەشىنىڭ سايتىنا سىلتەمە جاساپ.

قىرعىزستان رەسپۋبليكاسىنىڭ سالىق كودەكسىنە ەنگىزىلگەن وزگەرتۋلەرگە سايكەس، اۋىل شارۋاشىلىعى جانۋارلارىنا (جىلقى، سيىر، قوي، ەشكى) جىلىنا ءبىر رەت كەلەسى مولشەردە سالىق تولەۋ قاراستىرىلعان: قوي مەن ەشكىگە - 100 سوم (500 تەڭگەدەن جوعارى)، ءىرى قارا - 250 سوم (1270 تەڭگە)، جىلقى - 250 سوم (1270 تەڭگە).

وزگەرىستەر 40-تان استام قوي-ەشكى، 3 باس سيىر جانە 2 جىلقىسى بار مال يەلەرىنە قاتىستى بولادى. اۋىل شارۋاشىلىعى جانۋارلارىنا سالىق تولەيتىن تۇلعالار جايىلىمدىق جەرلەردى پايدالانعانى ءۇشىن تولەمنەن بوساتىلادى.

بارلىق قاراجات جەرگىلىكتى ءوزىن-ءوزى باسقارۋ ورگاندارىنىڭ بيۋدجەتىنە ءتۇسىپ، جەرگىلىكتى ماڭىزى بار ماسەلەلەردى شەشۋگە، سونىڭ ىشىندە ۆەتەرينارلارمەن قامتاماسىز ەتۋ، مالدى ۆاكسيناتسيالاۋ، جايىلىمدىق ينفراقۇرىلىمدى جاقسارتۋعا جۇمسالادى.