استانا سۋ ارناسى تۇرعىن ءۇيدىڭ بىرىندە نە سەبەپتى سۋ تاپشى بولعانىن ءتۇسىندىردى

استانا. قازاقپارات - «استانا سۋ ارناسى» م ك ك ەلورداداعى تۇرعىن ءۇيدىڭ بىرىندە نە سەبەپتى سۋ تاپشى بولعانىن ءتۇسىندىردى، دەپ حابارلايدى قازاقپارات ءتىلشىسى.

«مۇحامەدحانوۆ كوشەسى بويىنداعى 4 «ا» («BI City Tokyo D بلوگى» ت ك) تۇرعىن ۇيىندەگى سۋ تاپشىلىعىنا قاتىستى ايتاتىن بولساق، وسى ماسەلەنى شەشۋ ماقساتىندا تۇرعىندار، اكىمدىك جانە «استانا سۋ ارناسى» كاسىپورنى وكىلدەرى، سونداي- اق قىزمەت كورسەتىپ وتىرعان «BI Service» ج ش س باسشىلىعىمەن كەزدەستى. وسى جيىندا «استانا سۋ ارناسى» ماماندارى سۋ تاپشىلىعىنا تۇرعىن ءۇيدىڭ وزىندەگى ىشكى جەلىلەردىڭ دۇرىس تارتىلماۋى سەبەپ بولعانىن ءتۇسىندىردى»، - دەلىنگەن اتالعان مەكەمەدەگى باسپا ءسوز قىزمەتىنىڭ مالىمەتىندە.

وسى ورايدا «استانا سۋ ارناسى» كاسىپورنىنىڭ ماماندارى سۇزگىلەردى تازالاعاننان كەيىن، پاتەرلەرگە سۋ جىبەرىلگەن.

«بۇل تۇرعىدا سەرۆيستىك كومپانياعا تۇرعىن ءۇيدىڭ جەرتولەسىندەگى سۋ جۇرەتىن جەلىلەردى تۇزەتىپ، قايتا جاساۋ نۇسقاۋى بەرىلدى»، - دەپ ناقتىلادى كاسىپورىن ماماندارى.