ەلىمىزدە بالالاردى زورلىق-زومبىلىقتان قورعاۋدىڭ كەشەندى جوسپارى قابىلدانباق
ۇكىمەتتىڭ قاۋلى جوباسى اشىق نورماتيۆتىك-قۇقىقتىق اكتىلەر پورتالىندا جاريالاندى.
قۇجاتتا جوبانى قابىلداۋعا ءتيىستى قۇقىقتىق اكتىلەر، قازاقستان رەسپۋبليكاسى راتيفيكاتسيالاعان حالىقارالىق شارتتاردىڭ نورمالارى، قازاقستان رەسپۋبليكاسى قاتىسۋشىسى بولىپ تابىلاتىن حالىقارالىق ۇيىمداردىڭ شەشىمدەرى، پرەزيدەنتتىڭ، پرەزيدەنت اكىمشىلىگى، ۇكىمەت جانە كەڭسە باسشىلىعىنىڭ حاتتامالىق جانە وزگە دە تاپسىرمالارى نەگىزدەمە سانالاتىندىعى اتالىپ وتىلگەن.
«جوبانى ىسكە اسىرۋ رەسپۋبليكالىق جانە جەرگىلىكتى بيۋجەتتەردىڭ كىرىستەرىن قىسقارتۋدى نەمەسە شىعىستارىن ۇلعايتۋدى كوزدەمەيدى. وسى جوبانى قابىلداۋ تەرىس الەۋمەتتىك- ەكونوميكالىق جانە/نەمەسە قۇقىقتىق سالدارلارعا اكەپ سوقپايدى»، - دەلىنگەن ۇكىمەتتىڭ تۇسىندىرمە جازباسىندا.
اتالعان قاۋلى جوباسىنىڭ ماقساتى - بالالاردىڭ قاۋىپسىزدىگىن قامتاماسىز ەتۋ، بالالارعا ۋاقتىلى بىلىكتى كومەك كورسەتۋ، سونداي-اق 2023-2025-جىلدارعا ارنالعان بالالارعا قاتىستى زورلىق-زومبىلىقتىڭ الدىن الۋعا باعىتتالعان قوسىمشا شارالار كەشەنىن قابىلداۋ جونىندەگى جۇيەنى قۇرۋ.
