سۋعا باتقان ادامدى كورگەندە نە ىستەۋ كەرەك - مامان كەڭەسى

استانا. قازاقپارات - استانا قالاسى توتەنشە جاعدايلار دەپارتامەنتى ازاماتتىق قورعانىس باسقارماسىنىڭ باستىعى ازامات قۇسايىنوۆ اكىمدىكتىڭ باسپا ءسوز ءماسليحاتىندا سۋعا باتقان ادامدى كورگەن جاعدايدا نە ىستەۋ كەرەكتىگىن ءتۇسىندىردى، دەپ حابارلايدى قازاقپارات ءتىلشىسى.

«سۋعا باتىپ بارا جاتقان ادامدى كورگەن جاعدايدا ەڭ ءبىرىنشى «112» تەلەفونىنا حابارلاۋ كەرەك. حابارلاي تۇرا سول جەردىڭ مەكەنجايىن، ادام سۋعا باتقان نۇكتەنى بارىنشا ناقتى اتاۋ كەرەك»، - دەدى ول.

ماماننىڭ ايتۋىنشا، سۋداعى ادامعا كومەككە ۇمتىلماي تۇرىپ ماڭايداعى ادامداردىڭ نازارىن اۋدارىپ، وقيعا ورنىنا شاقىرۋ ماڭىزدى.

«ەكىنشىدەن، جان- جاقتاعى ادامداردى داۋىستاپ شاقىرىپ، كومەك ۇيىمداستىرۋعا تالپىنىس جاساۋ قاجەت»، - دەيدى ازامات قۇسايىنوۆ.

ايتا كەتەيىك، بيىل استانا اۋماعىندا شومىلۋعا رۇقسات ەتىلگەن 4 ورىن بەلگىلەنىپ وتىر. ول ورىنداردىڭ مەكەنجايىن 2 گيس پتالفورماسى ارقىلى تابۋعا بولادى.