ۇلكەن الماتى كولى ماڭىندا اۋستراليا ازاماتى جوعالىپ كەتتى
الماتى قالالىق ت ج د- نىڭ مالىمەتىنشە، 22- مامىر كۇنى ساعات 22.25-تە رەسپۋبليكالىق جەدەل- قۇتقارۋ جاساعى، 109 قۇتقارۋ قىزمەتىنىڭ قۇتقارۋشىلارى مەن «دوبروسپاس» ەرىكتىلەرى بوستاندىق اۋدانىنداعى ۇلكەن الماتى كولى ماڭىندا جوعالىپ كەتكەن (تاۋلى ايماق) 1995 -جىلى تۋعان اۋستراليا ازاماتىن ىزدەۋگە جىبەرىلدى.
«حابارلاما الماتى قالاسى پوليتسيا دەپارتامەنتىنىڭ جەدەل باسقارۋ ورتالىعى كەزەكشىسىنەن ءتۇستى. ساعات 21.05-تە حوستەلدەن شىققان ەر ادام الدىن الا مالىمەت بويىنشا ۇلكەن الماتى كولى باعىتىندا شىعىپ، قايتا ورالماعان. وقيعا ورنىندا جەدەل شتاب قۇرىلىپ، قالانىڭ بارلىق جەدەل قىزمەتتەرى تارتىلىپ، درون ىسكە قوسىلدى»، - دەپ حابارلادى ت ج د - دا.
ەرىكتىلەر Instagram - دا 21- مامىر كۇنى Herd Jake Michael ەسىمدى اۋستراليانىڭ ازاماتى قازىبەك بي، 66 مەكەنجايىندا ورنالاسقان حوستەلدەن شىعىپ، ۇلكەن الماتى كولىنە كەتكەنىن جازدى.
