قازاقستان قىتايمەن ساۋدا- ساتتىقتىڭ جاڭا فورماتىن ەنگىزەدى
«قىتاي پاندەميا ۋاقىتىندا قازاقستان ءۇشىن ەكسپورتتىق قىزىعۋشىلىق تۋدىرعان ەڭ ءىرى نارىقتاردىڭ بىرىنە اينالدى. كوپتەگەن شەتەلدىك كومپانيا ول جاقتان كەتتى جانە قىتاي نارىعى قازاقستان ءۇشىن وتە تارتىمدى. ءبىرىنشى - بۇل اۋىل شارۋاشىلىعى. ياعني، ءبىزدىڭ نەگىزگى قىزىعۋشىلىعىمىز - قىتاي ساتىپ الۋشىلارىنىڭ قاجەتتىلىگىن قاناعاتتاندىرۋ. قىتاي ەت وڭدەۋشىلەرى قاۋىمداستىعىمەن كەزدەستىم. وسى كەزدەسۋدە ءبىر قىزىق اپارات بولدى. ەگەر، ءاربىر قىتايلىق كۇندەلىكتى تاعام مولشەرىندە ەت تۇتىنۋدى 50 گراممعا ارتتىرسا، وندا قىتايدىڭ 1 جىلداعى ەت يمپورتى 25 ميلليون تونناعا ارتادى»، - دەدى ۆيتسە-مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، قىتاي اۋماعىندا وڭدەۋشى كاسىپورىندار قۇرىلىسىمەن اينالىساتىن كومپانيامەن كەلىسىمشارت جاسالعان.
«ولار بىزگە قازاقستاندا ايماق قۇرۋدى، وعان قىتايدا تۇتىنىلاتىن ءتۇرلى ونىمدەردى وندىرۋشىلەردى ورنالاستىرۋدى، ەكسپورت الدىنداعى تەكسەرۋ جۇرگىزۋدى ۇسىنادى. زەرتحانالار، تەحنيكالىق رەتتەۋ، بارلىق ليتسەنزيالار سول جەردە بولادى. ياعني، قازاقستان اۋماعىندا ماشينا نە كونتەينەر مورلەنىپ، قىتاي اۋماعىنداعى ساتىپ الۋشىلارعا توقتاۋسىز جەتكىزىلەدى. بۇل ساۋدا- ساتتىقتىڭ جاڭا فورماتى. ءبىز ونى قىتايمەن تاجىريبەدەن وتكىزەمىز. ولاردا الەمنىڭ وزگە بىردە-ءبىر ەلىمەن مۇنداي جوق. ءبىز سوعان قول جەتكىزە الدىق. مۇنى قازاقستان ۇكىمەتى تاراپىنان ىلگەرىلەۋشىلىك دەر ەدىم»، - دەدى قايرات تورەبايەۆ.
