08:49, 20 - مامىر 2023 | GMT +5
تۇركياداعى پرەزيدەنت سايلاۋى: ءبىرىنشى كەزەڭنىڭ قورىتىندى ناتيجەسى شىقتى
انكارا. انادولۋ - قازاقپارات - تۇركياداعى 14-مامىرداعى پرەزيدەنت سايلاۋىنىڭ ءبىرىنشى كەزەڭىنىڭ قورىتىندى ناتيجەسى جاريالاندى.
ونداعى مالىمەتكە ساي، رەدجەپ تايىپ ەردوعان %49,52، كەمال كىلىچداروگلۋ - %44,88، سينان وگان - %5,17، مۋحاررەم يندجە -%0,43 داۋىس جيناعان، دەپ جازادى قازاقپارات Anadolu اگەنتتىگىنە سىلتەمە جاساپ.
پرەزيدەنت سايلاۋىنا تۇركيانىڭ قازىرگى باسشىسى رەدجەپ تايىپ ەردوعان، وپپوزيتسيالىق حالىقتىق- دەموكراتيالىق پارتيانىڭ باسشىسى كەمال كىلىچداروگلۋ، «اليانس اتا» بلوگىنان كانديدات سينان وگان، «وتان» پارتياسىنىڭ ءتوراعاسى مۋحاررەم يندجە ءتۇستى.
رەسمي باسىلىمدا جاريالانعان وسك مالىمەتىنە ساي، 14-مامىردا وتكەن پرەزيدەنت سايلاۋىندا سايلاۋشىلاردىڭ 87,04 پروتسەنتى داۋىس بەرگەن.
بۇعان دەيىن حابارلاعانىمىزداي، 14-مامىردا تۇركيادا پرەزيدەنت جانە 28-شاقىرىلىمداعى پارلامەنت سايلاۋى ءوتتى.
جەڭىمپاز 28-مامىردا وتەتىن پرەزيدەنت سايلاۋىنىڭ ەكىنشى كەزەڭىندە انىقتالادى.
