تۇركىستاننان ىستانبۇل باعىتىنا ۇشقان ۇشاققا نايزاعاي ءتۇستى
«19- مامىر كۇنى ساعات 13:05 تەگى «تۇركىستان-ىستانبۇل» باعىتىنداعى ك س7425 رەيسى اۋا رايى جاعدايىنا، ناقتى ايتقاندا ونىڭ الدىنداعى رەيستەگى اۋە كەمەسىنە جاي تۇسۋىنە بايلانىستى كەشىكتىرىلىپ جاتىر. تالاپتارعا سايكەس جاي تۇسكەننەن كەيىن اۋە كەمەسىنە ينسپەكتسيا جاساۋ قاجەت»، - دەپ ءمالىم ەتتى اۆياكومپانيادان.
تۇركىستاننان ۇشاق 19- مامىر كۇنى، جەرگىلىكتى ۋاقىتپەن ساعات 17.00 دە ۇشىپ شىعاتىنى جوسپارلانعان.
FlyArystan كومپانياسىنىڭ باسپا ءسوز قىزمەتىنەن ءمالىم ەتكەندەي، رەيستەردىڭ كەشىكتىرىلۋى مەن ولاردىڭ ورىندالماۋىنىڭ الدىن الۋ بويىنشا بارلىق قاجەتتى شارالار قولعا الىنىپ جاتىر.
«الايدا، كەيدە باقىلاۋعا جاتپايتىن جاعدايلار بولادى. اتالعان جاعدايدا رەيستىڭ كەشىكتىرىلۋى اۆياكومپانيا كىناسىنەن ورىن العان جوق جانە ونىڭ باقىلاۋىنان تىس بولدى»، - دەدى كومپانيادان.
