ءۇش جاڭا وبلىس قۇرىلۋىنا بايلانىستى ەلىمىزدىڭ جاڭا كارتاسى جاسالدى

استانا. قازاقپارات - قازاقستاننىڭ ساياسي-اكىمشىلىك كارتاسى ازىرلەندى. بۇل تۋرالى سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى اسەت تۇرىسوۆ ايتتى، دەپ حابارلايدى قازاقپارات ءتىلشىسى.

«وتكەن جىلى مەملەكەت باسشىسىنىڭ جارلىعىمەن جاڭا ءۇش ءوڭىر - اباي، جەتىسۋ جانە ۇلىتاۋ وبلىستارى قۇرىلدى. وسىعان وراي ۇكىمەت ءىس-شارا جوسپارىن بەكىتىپ، ونداعى تارماقتاردىڭ ءبىرى - قازاقستان رەسپۋبليكاسىنىڭ ساياسي كارتاسىن جانە جاڭا وبلىستاردىڭ تاقىرىپتىق كارتاسىن وزەكتەندىرۋ بولدى»، - دەدى ۆيتسە-مينيستر ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ اتاپ وتۋىنشە، بۇل باعىتتا قىرۋار جۇمىس ىستەلگەن.

«ارىپتەستەرىمىز ۇلكەن جۇمىس اتقارىپ، 1:1 500000 ماسشتابىمەن قازاقستاننىڭ ساياسي- اكىمشىلىك كارتاسىن جاسادى. قاراعاندى، شىعىس قازاقستان، الماتى وبلىستارىنىڭ كارتاسى جاڭارتىلىپ، 1 ميلليون ماسشتابپەن اباي، ۇلىتاۋ جانە جەتىسۋ وبلىستارىنىڭ كارتاسى ازىرلەندى. سونىمەن قاتار 1:25000 ماسشتابپەن قاراعاندى، سەمەي، وسكەمەن قالالارىنىڭ، 1:10000 ماسشتابپەن جەزقازعان، قونايەۆ، تالدىقورعان قالالارىنىڭ جوسپار-سىزباسى جاڭارتىلدى جانە جاسالدى»، - دەدى اسەت تۇرىسوۆ.