استانادا ماۋسىمنان باستاپ بالاباقشا باعاسى وسەدى
استانا ءبىلىم باسقارماسى «مەكتەپكە دەيىنگى ۇيىمداردا تاربيە مەن وقىتۋعا مەملەكەتتىك ءبىلىم بەرۋ تاپسىرىسىن، اتا-انا تولەماقىسىنىڭ مولشەرىن 2023-جىلعا بەكىتۋ تۋرالى» قاۋلىسىنىڭ جوباسىندا وسى ماسەلە كوتەرىلگەن.
«تاۋارلار مەن قىزمەتتەرگە باعانىڭ ءوسۋى ناتيجەسىندە مەملەكەتتىك بالاباقشالارداعى اتا-انالاردىڭ تاماقتانۋ اقىسىنىڭ قۇنى تاماقتانۋدى ۇيىمداستىرۋ شىعىندارىن وتەمەيدى»، - دەلىنگەن اشىق تالقىعا شىققان قۇجاتتا.
ەلوردا اكىمدىگىنىڭ قاۋلىسىندا كورسەتىلگەندەي، مەكتەپكە دەيىنگى مەملەكەتتىك ءبىلىم بەرۋ ۇيىمدارىندا اتا-انا تولەماقىسى مىنا مولشەرگە قىمباتتايدى:
جالپى ءبىلىم بەرەتىن مەكتەپكە دەيىنگى ۇيىمدار ءۇشىن - 41718 تەڭگەدەن 46189 تەڭگەگە دەيىن؛
بالالاردىڭ تولىق كۇندىك شاعىن ورتالىعى - 31995 تەڭگەدەن 46189 تەڭگەگە دەيىن؛
ارنايى مەكتەپكە دەيىنگى ۇيىمدار، جالپى ءبىلىم بەرەتىن مەكتەپكە دەيىنگى ۇيىمدارداعى ارنايى جانە ينكليۋزيۆتى توپتار ءۇشىن - 91118 تەڭگەدەن 102665 تەڭگەگە دەيىن؛
مەكتەپكە دەيىنگى ساناتورلىق ۇيىمدار ءۇشىن - 62040 تەڭگەدەن 89204 تەڭگەگە دەيىن؛
بالالاردىڭ تولىق ەمەس كۇندىك توپتارى ءۇشىن - 18066 تەڭگەدەن 20202 تەڭگەگە دەيىن؛
مەملەكەتتىك مەكتەپكە دەيىنگى ۇيىمداردا تاماقتانعانى ءۇشىن اقى تولەۋ - 16800 تەڭگەدەن 20800 تەڭگەگە دەيىن.
قۇجات 3- ماۋسىمعا دەيىن كوپشىلىك تالقىلاۋىندا بولادى. سودان سوڭ قولدانىسقا ەنگىزىلەدى.
