ەۋروپالىق وداق پەن قازاقستان قارجىلىق كەلىسىمگە قول قويدى
ستراتەگيالىق ارىپتەستىكتىڭ جول كارتاسىمەن الماسۋ ءراسىمىن ق ر پرەمەر ءمينيسترى ءاليحان سمايىلوۆ پەن ەۋروپالىق كوميسسيانىڭ ۆيتسە- پرەزيدەنتى ۆالديس دومبروۆسكيس وتكىزدى.
«ساۋدا ساتتىق ءوندىرىسى جانە جاسىل ەنەرگەتيكا سالالارىندا بىرلەسكەن جوبالاردى ىسكە اسىرۋ ماقساتىندا پىكىر الماستىق. تاۋارلاردى جەتكىزۋدىڭ جاھاندىق تىزبەگىن قامتاماسىز ەتۋ ءۇشىن حالىقارالىق كولىك مارشۋرتتارىن دامىتۋدىڭ ماڭىزى زور. بۇل رەتتە، ەۋروپالىق وداقتىڭ «ترانس كاسپي» حالىقارالىق كولىك باعىتىن دامىتۋ شارالارىن قاداعالادىق. بىلتىر قاراشا ايىندا، ە و كوميسسيا پرەزيدەنتىمەن ستراتەگيالىق ارىپتەستىك مەموراندۋمعا قول قويعانبىز. وسى مەموراندۋم شەڭبەرىندە اسا ماڭىزدى شيكىزات تۇرلەرى، اككۋمۋلياتورلىق باتارەيالار جانە جاسىل سۋتەكتىڭ تۇراقتى قۇن تىزبەكتەرى قاراستىرىلعان. بۇدان بولەك، ەۋروپالىق وداق تۇراقتى ەكونوميكالىق ءوسىمدى جانە قۇقىق ۇستەمدىگىن قامتاماسىز ەتۋ ماقساتىندا 9 ميلليون يەۆرو بولەدى» ، - دەدى ءاليحان سمايىلوۆ.
ەۋروپالىق كوميسسيانىڭ ۆيتسە- پرەزيدەنتى ۆالديس دومبروۆسكيس ەۋروپالىق وداق پەن قازاقستان اراسىنداعى ىنتىماقتاستىق قارقىندى دامىپ كەلە جاتقانىن اتاپ ءوتتى.
«بىزدە ەكىجاقتى ىنتىماقتاستىق بار جانە ول قارقىندى دامىپ كەلەدى. قازاقستان - ستراتەگيالىق سەرىكتەس. ءبىز بۇدان دا قارقىندى ىنتىماقتاستىقتا جۇمىس ىستەگىمىز كەلەدى، بۇل ەكونوميكاعا دا، ساۋداعا دا قاتىستى. قازىر ەو پەن قازاقستان اراسىندا ەكىجاقتى كەلىسىمدەر جاسالدى. ءبىز قارجىلىق كەلىسىمگە قول قويامىز. بۇل اتموسفەراعا كومىرقىشقىل گازىنىڭ شىعارىلۋ دەڭگەيىن تومەندەتۋگە مۇمكىندىك بەرەدى. بىزدە ەو مەن قازاقستان اراسىنداعى تۇراقتى شيكىزات، اككۋمۋلياتورلار جانە جاسىل سۋتەگى قوسىلعان قۇن تىزبەگى سالاسىنداعى ستراتەگيالىق سەرىكتەستىكتىڭ جول كارتاسى بار»، - دەدى ول.
قۇجاتتارعا قول قويىلعاننان كەيىن ق ر پرەمەر- ءمينيسترى ءاليحان سمايىلوۆ پەن ەۋروپالىق كوميسسيانىڭ ۆيتسە- پرەزيدەنتى ۆالديس دومبروۆسكيس جول كارتاسىمەن الماستى.
قۇجاتتا، ە و جانە قازاقستان رەسپۋبليكاسى اراسىنداعى 2023-2024 -جىلدارعا ارنالعان شيكىزات، اككۋمۋلياتورلىق باتارەيالار جانە جاسىل سۋتەكتىڭ تۇراقتى قۇن تىزبەكتەرى قارالعان.
