قازاقستاندىق لوۋكوستەر استانا مەن انكارا اراسىندا جاڭا رەيستەردى ىسكە قوسادى

استانا. قازاقپارات - ازاماتتىق اۆياتسيا كوميتەتى قازاقستاندىق اۆياكومپانيالارمەن بىرلەسىپ حالىقارالىق رەيس سانىن ۇلعايتۋ جانە ۇشۋ گەوگرافياسىن كەڭەيتۋ بويىنشا جۇمىس جۇرگىزىپ جاتىر، دەپ حابارلايدى قازاقپارات.

ماسەلەن، 23- مامىردان باستاپ «Fly Arystan» اۆياتاسىمالداۋشىسى Airbus - 320 ۇلگىسىندەگى اۋە كەمەلەرىندە اپتاسىنا 2 رەيس جيىلىگىمەن (سەيسەنبى، سەنبى) استانا - انكارا باعىتى بويىنشا تىكەلەي تۇراقتى جولاۋشىلار رەيسىن اشۋدى جوسپارلاپ وتىر.

قازاقستان مەن تۇركيا اراسىنداعى رەيس سانىنىڭ ارتۋى ەلدەر اراسىنداعى ساۋدا-ەكونوميكالىق، تۋريستىك جانە مادەني ىنتىماقتاستىقتى ودان ءارى دامىتۋعا ىقپال ەتپەك.