مينيستر: بيىلدان باستاپ مۇعالىمدەر اۋرەگە ءتۇسىپ پورتفوليو جينامايدى
«بۇدان بىلاي مۇعالىمدەردى تەستىلەۋ، اتتەستاتتاۋ، اۋرەگە سالىپ پورتفوليو جيناتۋ ماسەلەسى قايتا قاراستىرىلادى. بيىلدان باستاپ مۇعالىمدەر ءبىرىنشى كەزەكتە ءوزىنىڭ ساناتىن دالەلدەۋ ءۇشىن ەشقانداي پورتفوليو جيناۋمەن اينالىسپايتىن بولادى. ويتكەنى بۇل دا - جەمقورلىققا يتەرمەلەيتىن دۇنيەلەر. انانىڭ تۋىستارى بارىپ جالعان سەرتيفيكات الىپ الادى ەكەن، مىنانىڭ تۋىستارى بارىپ وردەن، مەدال بارىپ الادى ەكەن. ءسويتىپ، اقشا تولەپ ولاردى جينايدى. ال ول ەشكىمگە كەرەك ەمەس. نەگىزى اتتەستاتسيا - مۇعالىمنىڭ جەتىستىگى ەمەس، مۇعالىمنىڭ تابىسى وقۋشىنىڭ جەتىستىگى ارقىلى باعالانۋى كەرەك. ەكىنشىدەن، مۇعالىم قالاي سەريتيفيكات الامىن دەمەي، وقۋشىنىڭ بىلىمىمەن اينالىسۋى كەرەك. ال مينيسترلىك وقۋشىسى جەتىستىككە جەتكەن مۇعالىمدەردى سىرتتاي باقىلاۋ ارقىلى اۆتوماتتى تۇردە ونىڭ كاتەگورياسىن ءوزىمىز اكەپ بەرۋىمىز كەرەك»، - دەدى وقۋ- اعارتۋ ءمينيسترى عاني بەيسەنبايەۆ.
بۇعان دەيىن مينيستر مۇعالىمدەردى زاڭبۇزۋشىلىقپەن قابىلداۋ فاكتىلەرى ەڭ كوپ تىركەلگەن ايماقتاردى اتاعان بولاتىنبىز.
مۇنداي جاعداي بويىنشا الماتى وبلىسىنىڭ قاراساي اۋدانى كوش باستاپ تۇر.
سونداي- اق وقۋ- اعارتۋ ءمينيسترى عاني بەيسەنبايەۆ «التىن بەلگى» الۋ ءۇشىن اتا- انالار ءتۇرلى قۋلىق- سۇمدىققا باراتىنىن حابارلاعان بولاتىنبىز.
سونداي- اق مينيستر وقۋشىلاردىڭ اراسىنداعى توبەلەسكە قاتىستى پىكىر ءبىلدىرىپ، ءبىرىنشى كەزەكتە اتا- انا بالاسىنىڭ تاريبەسىنە جاۋاپكەرشىلىكپەن قاراۋى كەرەكتىگىن سۇرادى.
