قازاق- قىتاي شەكاراسىندا ەكىنشى قۇرعاق پورت سالىنادى
«بۇل جەردە ساۋدا نومەنكلاتۋراسىن ەكسپورتتى ۇلعايتۋ ارقىلى كەڭەيتۋ ماڭىزدى. مىسالى، قازاقستان قىتايعا ءوز ەكسپورتىن 135 شيكىزات ەمەس تاۋار جايعاسىمى بويىنشا وسىرە الادى. وتكەن ايدا پاندەميا كەزىندەگى ءۇشجىلدىق توقىراۋدان كەيىن قازاقستان- قىتاي شەكاراسىنداعى «قورعاس» حالىقارلىق ساۋدا ورتالىعىنىڭ جۇمىسى قايتا جانداندى. ورتالىق ازيا ەلدەرىنىڭ ءبارىن، اسىرەسە، قىتايمەن ورتاق شەكاراسى جوق كورشىلەرىمىزدى وسىناۋ ماڭىزدى ساۋدا- لوگيستيكالىق حابتىڭ الەۋەتىن بىرلەسىپ پايدالانۋعا شاقىرامىن»، - دەدى مەملەكەت باسشىسى.
پرەزيدەنت سالاداعى ءساتتى تاجىريبە ءارى قاراي كەڭەيەتىنىن اتاپ ءوتتى.
«ءبىزدىڭ جوسپارىمىزدا قىتايلىق ينۆەستيتسيالىق ارىپتەستەرمەن بىرگە شەكارادا قوردالانعان تاجىريبەنى ەسكەرە وتىرىپ، جاڭا ساپاعا نەگىزدەلگەن ەكىنشى قۇرعاق پورت سالۋ جوباسى بار»، - دەدى قاسىم- جومارت توقايەۆ.
ال ب ۇ ۇ اياسىندا اۋعان حالقىنا جان- جاقتى كومەكتىڭ اۋقىمىن كەڭەيتۋ قاجەت.
«اۋعانستانعا توقتالساق، وسى ەلدەگى احۋال ءالى دە ءوڭىر ەلدەرىنىڭ قاۋىپسىزدىگى مەن تۇراقتىلىعىنا قاۋىپ ءتوندىرىپ تۇرعان ماسەلەنىڭ ءبىرى دەپ سانايمىز. بۇل ەلدەگى گۋمانيتارلىق داعدارىستىڭ الدىن الۋ ءۇشىن حالىقارالىق قاۋىمداستىقتىڭ كۇش- جىگەرىن قولداۋدى جالعاستىرۋ ماڭىزدى»، - دەدى قاسىم- جومارت توقايەۆ.
وسى ورايدا پرەزيدەنت ءبىر اي بۇرىن قازاقستان اۋعانستانعا كەزەكتى كومەك پاكەتى تۇرىندە ازىق- تۇلىك ونىمدەرىن جونەلتكەنىن ەسكە سالدى.
«ب ۇ ۇ اياسىندا اۋعان حالقىنا جان- جاقتى كومەكتىڭ اۋقىمىن كەڭەيتۋ قاجەت. وسى تۇرعىدا الماتىدا ورتالىق ازيا مەن اۋعانستاننىڭ ورنىقتى دامۋ ماقساتتارى جونىندەگى ب ۇ ۇ- نىڭ وڭىرلىك ورتالىعىن قۇرۋ باستاماسى وزەكتى بولىپ تۇر»، - دەدى مەملەكەت باسشىسى.
