قازاقستان قىتايدىڭ ۋكراينا داعدارىسىن شەشۋدەگى ۇستانىمىن جوعارى باعالايدى

استانا. قازاقپارات - پرەزيدەنت قاسىم- جومارت توقايەۆ «ورتالىق ازيا- قىتاي» سامميتىندە ۋكرايناداعى جاعدايدى ءسوز ەتتى، دەپ حابارلايدى قازاقپارات ءتىلشىسى.

«بۇگىندە ءبىزدىڭ ەلدەر ەكىجاقتى فورماتتا دا، ءبىرقاتار وڭىرلىك جانە حالىقارالىق ۇيىمدار اياسىندا دا ءوزارا تىعىز ارەكەت ەتىپ وتىر. بىرلەسكەن كۇش- جىگەردىڭ ارقاسىندا شاڭحاي ىنتىماقتاستىق ۇيىمىنىڭ، ازياداعى ءوزارا ءىس- قيمىل جانە سەنىم شارالارى كەڭەسىنىڭ ماقساتتارى مەن مىندەتتەرىن ورىستەتىپ كەلەمىز»، - دەدى قاسىم- جومارت توقايەۆ.

پرەزيدەنتتىڭ پايىمىنشا، حالىقارالىق ساياساتتاعى قازىرگى احۋال جاھان ساياساتىنداعى باسەكەلەس پوليۋستەردىڭ اراسىنا كوپىر ورناتۋ ءۇشىن كوپ كۇش جۇمساۋدى قاجەت ەتەدى.

«ءتوراعا شي جينپيىڭ كوتەرگەن «جاھاندىق قاۋىپسىزدىك باستاماسى» الەمنىڭ ورنىقتى دامۋىندا ۇلكەن ءرول وينايدى جانە زاماننىڭ بۇرىن- سوڭدى بولماعان قاتەرلەرىنە شەشىمتال جاۋاپ بولا الادى. سونىمەن قاتار، قازاقستان قىتايدىڭ ۋكراينا داعدارىسىن شەشۋدەگى ۇستانىمىن جوعارى باعالايدى»، - دەدى مەملەكەت باسشىسى.