وسكەمەندە ءۇشىنشى قاباتتاعى بالكون قيراپ، ايەل ادام جەرگە قۇلاپ ءتۇستى

وسكەمەن. قازاقپارات - وسكەمەن قالاسىندا ءۇشىنشى قاباتتاعى بالكون قيراپ، ايەل ادام جەرگە قۇلاپ ءتۇستى، دەپ حابارلايدى قازاقپارات ءتىلشىسى.

وقيعا 18-مامىر كۇنى ساعات 15:30 شاماسىندا قازاقستان كوشەسىندە ورنالاسقان كوپقاباتتى تۇرعىن ۇيدە بولعان. ءۇشىنشى قاباتتاعى بالكون كەنەتتەن قيراپ ءتۇسىپ، سول ۋاقىتتا بالكوندا تۇرعان ايەل جەرگە قۇلاعان.

ابىروي بولعاندا، ول امان قالدى. بەلگىلى بولعانداي، سول ساتتە ۇيدە قارشاداي بالا قاراۋسىز قالعان.

«زارداپ شەككەن ايەلدى جەدەل جاردەم قىزمەتكەرلەرى شۇعىل تۇردە اۋرۋحاناعا جەتكىزدى. ال بالانى وقيعا ورنىنا جەتكەن تۋىستارى الىپ كەتتى. قازىر ايەلدىڭ جاعدايى جاقسى، ول تەكسەرۋدەن ءوتىپ جاتىر. دەنەسىندە سىنىق نەمەسە باسقا دا اۋىر جاراقاتتار جوق»، - دەپ حابارلادى ش ق و دەنساۋلىق ساقتاۋ باسقارماسىنىڭ باسپا ءسوز قىزمەتى.

فوتو - وقيعا كۋاگەرلەرىنەن